தமிழ் சமையல் வலைப்பூ திரட்டி

கத்தரிக்காய் க்ரேவி அல்லது காரக் குழம்பு ஒரு சமையல் குறிப்பு

2011-06-23T02:06:00.000-07:00

ரொம்ப நாளாச்சு..சமையல் பதிவு போட்டு. அதா வந்துட்டேன் கரண்டியும் கடாயுமாக. இப்பெல்லாம் டிவியில் எந்த சானலை, எந்த நேரம் போட்டாலும் யாரவது ஒருத்தர், கரண்டியும் கடாயுமாக வர ஆரம்பிச்சுட்டாங்க.

கத்திரிக்காயில் ஒரு கார கிரேவி அல்லது குழம்பு செய்யப் போறேன். வர்றீங்களா?

தேவையானவை:

பிஞ்சு கத்தரிக்காய் - கால் கிலோ நாலாக வகுந்தது
வெங்காயம், தக்காளி, இஞ்சி பூண்டு, பட்டை, சோம்பு
மஞ்சள் பொடி, மிளகாய் பொடி மல்லி, ஜீரகப் பொடிகள், உப்பு அனைத்தும் தேவைக்கேற்ப.
கரைத்த புளித் தண்ணீர் சிறிய கப்
தேங்காய், கசகசா அரைத்த விழுது

கடாயில் எண்ணை ஊற்றி பட்டை சோம்பு தாளித்து வெங்காயம், தக்காளி, பச்சைமிளகாய் சேர்த்து வதக்கவும்.

நன்கு வதங்கியதும் வகுந்து வைத்துள்ள கத்தரிக்காயை போட்டு நன்கு பிரட்டி, மூடி போட்டு மூடி வைக்கவும். அதிலுள்ள நீரிலேயே கத்தரிக்காய் நன்கு வெந்ததும் சிறிது நேரம் பிரட்டி கொடுக்கவும். கொஞ்சம் ப்ரை ஆனதும்,

புளித்தண்ணீரை விட்டு கொதிக்கவிடவும். நன்கு கொதித்ததும் அரைத்து வைத்துள்ள தேங்காய், கசகசா விழுதை சேர்த்து தேவையான அளவு கெட்டியானதும்,

பொடியாக அரிந்த கொத்தமல்லி தூவி பரிமாறவும்.

சிறிது வெல்லம் சேர்த்தால் சுவை கூடும்.

சூடான சாதத்தோடு அருமையாயிருக்கும். மேலும் புலாவ், சப்பாத்திகூடவும்
சந்தோஷமாக சொந்தம் கொண்டாடும்.
brinjal நல்ல பிriஞ்சaகவும் காரலில்லாமலும் இருக்கணும்.

புளி பாஸ்தா தயிர் பாஸ்தா - சமையல் குறிப்பு

2011-02-11T06:24:00.000-08:00

இன்று டிவியில் ஒரு சமையல் நிகழ்ச்சி பாத்தேன். பாஸ்தாவை வைத்து புளீயோதரை மாதிரி செய்து காட்டினார்கள். நல்லாருந்துது.” இது நம்ம ரங்ஸ்.
இன்றைய மெனு இதுதான் என்றும் சொன்னார்.

எனக்கும் இது நல்லாருக்கே...நல்லாவும் வரும் போலிருக்கே என்று நான் ரெடி பண்ணி வைத்திருந்த காய்கறிகளை கவரில் போட்டு ப்ரிட்ஜில் வைத்துவிட்டு, ஒரு அடுப்பில் புளிக்காய்ச்சல் தயார் செய்ய ஆரம்பித்தேன்.அப்படியே மற்றொரு அடுப்பில் பாஸ்தாவை வேக வைத்தேன்.

ஏது பாஸ்தா திடீரென்று? அதான் உடனே கடைக்குப் போய் வாங்கி வந்துட்டாரே!!!!!

வெந்த பாஸ்தா குளிர்ந்த நீரில் நன்கு அலசி வடிகட்டியில். உதிருதிராக வர வேகும் போதே தண்ணிரில் சிறிது எண்ணை அல்லது நெய் விட்டால் ஒட்டாமல் தனித்தனியாக இருக்கும்.
மற்றொரு பாத்திரத்தை அடுப்பில் வைத்து சிறிது நல்லெண்ணை விட்டு காய்ந்ததும் கைப்பிடி கறிவேப்பிலை பொறித்து, தேவையான அளவு தயார் செய்த புளிக்காய்ச்சலை சேர்த்து கிளறி அதனுடன் பாஸ்தாவை போட்டு மெதுவாக கிளறி கொத்தமல்லி தூவி ரெடியாக இருக்கிறது.

நல்லாத்தாங்க இருந்துது.
புளி பாஸ்தா...சேரி...நம்ம கோடவினிலிருந்து வந்தது ஓர் ஐடியா!!!!

தயிர் பாஸ்தா!!! மொத்த பாஸ்தாவில் மூன்றில் ரெண்டு பங்கு புளி பாஸ்தாவுக்கும் மீதி ஒரு பங்கு தயிர் பாஸ்தாவுக்குமாக தனித்தனியே பிரித்து வைத்திருந்தேன்.
தயிர் பாஸ்தாவுக்கான தாளிதம்....கடுகு, உளுத்தம் பருப்பு, இஞ்சி, மாங்காயிஞ்சி, கலர் கொடமொழகாக்கள், பச்சை தராட்சை, கறிவேப்பிலை, கொத்தமல்லி. உஸ்ஸ்ஸ்ஸ் அப்பாட!!! இப்பவே கண்ணைக் கட்டுதே!!!

அருமையாக, மேற் சொன்னவற்றையெல்லாம் தாளித்து பாஸ்தா மேல் கொட்டியாச்சு!

தயிரும் ஊத்தியாச்சு!!

குழைய கிளறிய தயிர் பாஸ்தாவும் கார சாரமாக கிளறிய புளி பாஸ்தாவும்.

எல்லோரும் கிண்ணமும் ஸ்பூனுமாக ஓடியாங்கள்......வேண்டியதை அள்ளிக்கொள்ளுங்கள். வேண்டியது என்ன வேண்டியது...? ரெண்டுமே நல்லாத்தானிருந்தது.

கோதுமை ரவா தோசை - சமையல் குறிப்பு

2010-07-11T06:01:00.000-07:00

வெறும் பாம்பே ரவா தோசை சாப்பிட்டிருப்பீர்கள். நான் சொல்லப் போவது,
கோதுமை ரவா தோசை. ஐம்பது வகை தோசை, நூறு வகை தோசை லிஸ்டில் கூட நான் கண்டதில்ல உண்டதில்லை.

என் மகளின் மெனுகார்டில் உள்ளது இந்த கோதுமை ரவா தோசை!!

எப்படி செய்வது?

அரை கப் கோதுமை ரவையை(பொடி ரவை) ஒரு மணி நேரம் ஊர வைக்கவும். அதோடு ஒரு கப் கோதுமை மாவு, ஒரு கப் அரிசிமாவு கலந்து தண்ணீர் விட்டு நன்கு கரைக்கவும்.

கொஞ்சம் நீர்க்க இருக்கலாம், அப்போதுதான் தோசை முறுகலாக வரும்.
அதோடு பொடியாக அரிந்த வெங்காயம் பொடியாக அரிந்த பச்சை மிளகாய்-காரத்துக்கேற்ப, ஜீரகம்,மிளகு ஒரு டீஸ் ஸ்பூன், உப்பு சேர்த்து தயாராக்கவும்.

ஆங்..! மானே தேனேயை மறந்துவிட்டேனே!! அதாங்க கறிவேப்பிலை, கொத்தமல்லி!!!அவற்றையும் பொடியாக அரிந்து போட்டுக்கோங்க. சேரியா?

தோசைக்கல்லை அடுப்பிலேற்றி நன்கு காய்ந்ததும் கல்லின் ஓரங்களில் ஊற்றவும். அங்கிருந்து வழிந்து மீதி மாவு நடுவில் சேரும். சுற்றிலும் எண்ணை அல்லது நெய் ஊற்றி
இருபக்கமும் முறுகவிட்டு எடுக்கவும். தொட்டுக் கொள்ள தேங்காய் சட்னி நன்கு இழையும்.

சூப்பராயிருக்கும் இத்தோசை ஊற்ற ஊற்ற டைனிங் டேபிளுக்கு போய்க் கொண்டேயிருக்கும், அடி பிடின்னு. ஊற்றுபவருக்குத்தான் கை வலிக்கும், அவருக்கும் டேஸ்ட்டுக்குக் கூட மிச்சம் மீதி இருக்குமோ என்னவோ?

ஒரு காரம் ஒரு இனிப்பு.....ஒரே கிழங்கிலே ஒரே பதிவிலே

2009-12-04T06:13:00.000-08:00

ஒரே கிழங்கைக் கொண்டு இரு வேறு சுவைகளில் சமைக்க முடியுமா? முடியும். சர்க்கரை வள்ளிக் கிழங்கு.......நாங்க செல்லமாய் அழைக்கும் சீனிக்கிழங்கு. இதை வைத்துத்தான் ரெண்டு டிஷ் தரப் போகிறேன்.
ஒன்று இனிப்பு மற்றது காரம். சேரியா?

இனிப்புக்குத் தேவையானவை:
சீனிக்கிழங்கு...........கால் கிலோ
பனங்கருப்பட்டி.....ரெண்டு சிரட்டை
சுக்குப்பொடி............ரெண்டு தேக்கரண்டி
ஏலப்பொடி...............ரெண்டு தேக்கரண்டி

எப்படி செய்வோமடி:
முதலில் சீனிக்கிழங்கை அது முங்கும் அளவுக்கு தண்ணீர் ஊற்றி வேக விடவும். அளவாக வெந்ததும் குளிர்ந்த நீரில் போட்டு தோல் உறித்து வட்ட வட்டமாக நறுக்கிக்கொள்ளவும்.
பாத்திரத்தில் சிறிது தண்ணீர் ஊற்றி அதில் கருப்பட்டியை உடைத்துப் போட்டு கொதிக்க விடவும். கருப்பட்டி நன்றாக கரைந்ததும் ஒரு கடாயில் வடிகட்டி அடுப்பில் கொதிக்கவிடவும். அதில் சுக்கு, ஏலப் பொடியை சேர்க்கவும். பின் அதில் நறுக்கி வைத்துள்ள சீனிக்கிழங்கை சேர்த்து
மெதுவாக கிளறவும். கருப்பட்டி பாகு இறுகி வரும் போது அடுப்பை அணைத்து பரிமாறும் பாத்திரத்துக்கு மாற்றவும்.

சாப்பிட மிகவும் சுவையாய் இருக்கும் இந்த பதார்த்தம் என் மாமியாருக்கு மிகவும் பிடித்த ஒன்று. அவரிடமிருந்து அறிந்து கொண்டது. சுக்கு ஏலக்காய் மணமும் கருப்பட்டிப் பாகும் சேர்ந்து அருமையாயிருக்கும்.

அடடா....! படத்தில் ஒரு கருப்பட்டிச் சிரட்டையையும் வைக்க மறந்தேனே!!!!

இனி காரம் பக்கம் போவோமா? போ...வோமே!!!
இது என்னோட டிஷ். உருளைக்கிழங்கிலேதானே காரக் கறி செய்திருப்பீர்கள்?
இங்கே நான் அதையே சீனிக்கிழங்கிலே செய்திருக்கிறேன்.
எப்படின்னு பாக்கலாமா? ஒண்ணும் கம்ப சூத்திரமெல்லாம் இல்லீங்க. வெரி சிம்பிள்.
முதலில் சொன்னது போல் வேக வைத்து வட்டமாக நறுக்கிய சீனிக்கிழங்கு.
பின் ஒரு பௌலில்
மஞ்சள் பொடி..........................ரெண்டு தேக்கரண்டி
ஜிரகப்பொடி................................ஒரு தேக்கரண்டி
மல்லிப்பொடி..............................ரெண்டு தேக்கரண்டி
மிளகாய்பொடி.............................ரெண்டு தேக்கரண்டி
பொட்டுக்கடலைப் பொடி.......ரெண்டு தேக்கரண்டி
உப்பு....................................................தேவையான அளவு

மேற் சொன்ன பொடிகளை ஒரு பௌலில் போட்டு கலந்து அதோடு வேகவைத்து நறுக்கி வைத்துள்ள சீனிக்கிழங்கை கலந்து பொடிகள் ஒன்றுபோல் கிழங்கில் ’கோட்’ ஆகுமாறு நன்றாக குலுக்கி,
பின்னர் கடாயில் எண்ணை ஊற்றி காய்ந்ததும் சீனிக்கிழங்கை கடாயில் விட்டு கிளறவேண்டும். நல்ல முறுகலாக வரும் வரை பிரட்டி எடுத்து தட்டில் மாற்றிப் பரிமாறவும். இனிப்பும் காரமும் கலந்த ஒரு சுவையில் அபாரமாயிருக்கும்

இம்மாம் பெரிய மிளகாயெல்லாம் போட்டால்....படுகாரமாயிருக்கும்!!!
இரண்டு சுவையுமே எனக்குப் பிடித்தவைதான். இதைப் படிச்சவங்களும் புடிச்சவங்களும் செஞ்சு சாப்பிட்டுப் பாத்து சொல்லுங்களேன்.

பொரிச்ச மிளகாய் சம்பல்

2009-07-04T20:44:00.000-07:00

நீண்ட நாட்களாக யாரையும் இந்த பக்கம் காணவில்லை.

அதான் சும்மா ஒரு விளையாட்டு சமையல் குறிப்பு.

ஈழத்து முற்றத்திலை மணிமேகலை ஆச்சி மாங்காய் சம்பல் செய்முறை போட்டிருக்கிறா.

அந்த செய்முறைக்கும் இதுக்கும் பெரிய வித்தியாசம் இல்லை. உரலிலை இடிக்கிறது.

தேவையான பொருட்கள்

1. செத்தல் மிளகாய் - 8 (அல்லது உங்களால் தாங்க கூடிய காரத்துக்கு ஏற்ற அளவு)
2. தேங்காய் பூ - ஒரு பாதி தேங்காய் துருவி எடுத்தது/ காய்ந்த தேங்காய் பூ எனில் 1 கப்
3. உப்பு - தேவைக்கு ஏற்ப
4. சின்ன வெங்காயம் - 4 அல்லது 5
6. நற்சீரகம் - ஒரு தேக்கரண்டி
7. கறிவேப்பிலை - ஒரு நெட்டு
9. எண்ணேய் - 2-3 மேசைகரண்டி
10. எலுமிச்சை - பாதி அல்லது பிசந்த பழப்புளி 2 மேசைகரண்டி

10- உரல்,உலக்கை; இல்லாவிட்டால் (food processor)

செய்முறை

1. பொரிக்கும் சட்டியை அடுப்பில் வைத்து எண்ணையை விட்டு சூடக்கவும்.
2. சூடான எண்ணேயில் செத்தல் மிளகாயை போட்டு பொரித்து எடுக்கவும் (கருகது எடுப்பது முக்கியம்)
3. அதே எண்ணேயில் நற்சீரகம், கறிவேப்பிலையையும் போட்டு பொரித்து எடுக்கவும்.

4. வெங்காயத்தை தோல் உரித்து எடுத்து கொள்ளவும்
5. பொரித்த மிளகாயை உரலில் இட்டு பொடியாக்கவும்,
6. பொடியாக்கிய மிளகாயுடன், சீரகம், உரித்த வெங்காயம், பொரித்த கறிவேப்பிலை, உப்பு என்பவற்றை சேர்த்து நன்கு பொடியாக்கவும்
7. பொடியாக்கிய கலவையுடன் துருவி வைத்த தேங்காய் பூவை இட்டு நன்கு இடித்து, இறுதியில் எலுமிச்சை அல்லது பழப்புளி கலந்து இடித்து உரலில் இருந்து எடுத்தால் சுவையான பொரிச்ச மிளகாய் சம்பல் தயார்.

இதனை ரொட்டி, தோசை என்பவற்றுடன் உண்ணலாம்.

உடன் தேங்காய்ப்பூ கிடைக்காவிட்டால்

* 1 கப் உலர்ந்த தேங்காய்பூவுக்கு 1/2 கப் நீர் சேர்த்து 30 செக்கன் மைக்கிரோ வேவ் அவனில் வைத்து பாவிக்கலாம்.
** உரல் உலக்கை இல்லாவிட்டல் Food processor இல் மேலே சொன்ன ஒழுங்கில் போட்டு அடித்து எடுத்தால் கிட்ட தட்ட இதே போல சம்பல் கிடைக்கும்.

பூண்டு குழம்பு

2009-04-06T22:54:00.000-07:00

பூண்டுகுழம்பு
இதைப் படிச்சிட்டு சின்ன வெங்காயம் இல்லாமல் பூண்டுக்குழம்பு
செய்ய முடிஞ்சா ரெசிப்பி கொடுங்கன்னு கேட்ட தூயாவுக்கா
இந்தப் பதிவு.

தேவையான சாமான்கள்.

பெரிய வெங்காயம்- 3
தக்காளி- 4
இஞ்சி- 1 சிறிய துண்டு
பூண்டு- தோலுரித்தது 1 கப்

புளித்தண்ணீர் - கப்
உப்பு, மஞ்சள் தூள் தேவைக்கேற்ப
எண்ணைய் - 2 ஸ்பூன்
கடுகு- கொஞ்சம்

வறுக்க தேவையான சாமான்கள்:
வாணலியில் கொத்துமல்லிவிதை,
உளுத்தம்பருப்பு, கடலைபருப்பு- தலா 1 ஸ்பூன்
மிளகாய்வற்றல்(5), மிளகு சீரகம் கொஞ்சம்
போட்டு வறுத்து பொடி செய்து வைக்கவும்.

செய்முறை:
வெங்காயம், தக்காளி, இஞ்சி
ஆகியவற்றை நன்கு அரைத்துக்கொள்ளவும்.

வாணலியில் எண்ணைய் விட்டு கடுகு,
கறிவேப்பிலை தாளித்து பூண்டை போட்டு
வதக்கவும்.

கொஞ்சம் வதங்கியதும் அரைத்து வைத்திருக்கும்
விழுது, உப்பு, மஞ்சள், வறுத்து அரைத்து
வைத்திருக்கும் பொடி, புளித்தண்ணீர்
ஆகியவை சேர்த்து நன்கு கொதிக்க விடவும்.

(அதிகம் கெட்டியாக இருந்தால் கொஞ்சம்
தண்ணீர் சேர்க்கலாம்)

உருளைக்கிழங்கு அல்வா - நான் ஸ்டெஃபிக்ராபா? சானியா மிர்ஸாவா? - சமையல் குறிப்பு

2009-04-05T07:30:00.000-07:00

நவராத்திரிக்கு வந்த குடும்பக் கூடலில் ஒரே ரகளை, செல்ல ரகளைதான்.'நீ என்ன செய்யப் போற?''உனக்கு எது நல்லா வரும்?''அப்ப நீ?''போன முறை செய்தது நல்லாலே. வேற கொண்டு வா!'
நான் மட்டும் மௌனமாக டென்னிஸ் மாட்ச் பாப்பது போல் ரெண்டு கோர்ட்டையும் அதாவது எல்லோர் முகங்களையும் மாறி மாறி பாத்துக்கொண்டிருந்தேன்.
புரியலையா? நவராத்திரி முடிந்து மறு மாதம் வரப்போகும் தீபாவளிக்கு யார் யார் என்னென்ன பலகாரங்கள் செய்து கொண்டு வரப் போகிறார்கள் என்பது பற்றிய ஒரு கலந்துரையாடல்தான். ஒவ்வொரு விசேஷங்களுக்கும் வேறுவேறு ஊர்களில் வேலை நிமித்தமாக இருக்கும் என் புகுந்த வீட்டு அங்கத்தினர்கள், நாத்தனார்கள் ஓரகத்திகள் எல்லோரும் ஒன்றாக சேர்ந்து மாமியார் வீட்டில் கொண்டாடுவோம்.
குறிப்பிட்ட அந்த வருடம் எனக்கு கல்யாணத்துக்குப் பிறகு வரும் முதல் தீபாவளி. சமையலில் 'சுழியம்' . அவ்ர்கள் பேசுவதையே "ஞே!" என்று பார்த்துக் கொண்டிருப்பேன்.எல்லோரும் பெரிய மனது பண்ணி என்னைப் பார்த்து, 'நீ ஒன்றும் செய்ய வேண்டாம்!' என்றார்கள். அதாவது 'உப்புக்குச் சப்பையாயிரு!'
அந்த வருடம் தீபாவளிக்கு ரெண்டு நாட்கள் முன்பே எல்லோரும் கூடி விட்டோம்.அதிரச மாவு கிண்டி எடுத்து வந்த பெரிய நாத்தனார், 'எங்கூட வந்து அதிரசம் தட்டிக் கொடு'என்றார்கள். அது முடிந்ததும் தட்டைக்கு அரைத்து வைத்திருந்ததை எல்லோருமாக தட்டிக் கொடுங்க, நான் வெந்து எடுக்கிறேன் என்றார் மாமியார் அதையும் மற்றவர் செய்வதைப் பாத்துப் பாத்து சொளவு மேல் விரித்திருந்த வெள்ளைத்துணியில் தட்டித் தட்டிக் கொடுத்தேன்.
இவ்வாறு "டென்னிஸ் கோர்ட்டின் பிக்கர் பாய்" ரேஞ்சுக்கு சொன்னதையெல்லாம் செய்து கொண்டிருந்தேன்.
அடுத்த வருடம் வந்தது. இனிமே பிக்கர்பாயா? நோ சான்ஸ்!!என்று நானும் ஆடுவேன் என்று டென்னிஸ் ராக்கெட்டை...கரண்டியை கையில் எடுத்துக்கொண்டு ஆடு களம் புகுந்தேன். "ஆரு சாப்பிடுவாக?" என்ற கேலிகளையெல்லாம் ஒதுக்கிவிட்டு அந்த வருடம் நான் செய்து கொண்டு போயிருந்ததுதான்......"உருளைக் கிழங்கு அல்வா!!!"

ஒருவருட காலத்தில் சுழியத்திலிருந்து நூறு வரை எண்ணக் கற்றுக் கொண்டேன்.

எப்படி செஞ்சேன்னு தெரியணுமா?
நல்ல ஊட்டி உருளை அரைக்கிலோ வேக வைத்து நன்றாகக் கட்டியில்லாமல் மசித்தது.சர்க்கரை ஒரு கிலோநெய் அரைக்கிலோமுந்திரி பொடியாக நறுக்கி நெய்யில் வறுத்தது தேவையான அளவு.சிறிது இளஞ்சூடான பாலில் ஊற வைத்த குங்குமப்பூ(அப்பாநிறையகொடுப்பார்கள்), பச்சைக்கற்பூரம், ஏலக்காய் சிறிது, சிறிது அளவு.கேசரிப் பௌடர் கலருக்குத் தேவையான அளவு.அரை டம்ளர் பால், சர்க்கரையில் அழுக்கெடுக்க.
வெண்கல உருளியில்(இப்போது தண்ணீர் ஊற்றி பூக்கள் போடுவதுக்கு) சர்க்கரையைப் போட்டு எரியும் அடுப்பில் வைத்து அது கரையும் அளவு தண்ணீர் ஊற்றவும். நன்கு கரைந்து கொதித்து வரும் போது பாலை ஊற்றினால் சிறிது நேரத்தில் அழுக்கு திரண்டு பாத்திரத்தின் ஓரத்தில் குழுமும். ஜல்லிக்கரண்டியால் அவற்றை திரட்டி எடுக்கவும்.
பாகு சிறிது கம்பிப்பதம் வந்ததும் மசித்த உருளைக்கிழங்கை சேர்த்து கிண்டவும். எப்படியும் சிறிது கட்டிகள் இருக்கும் மசிக்கும் கரண்டியால் கட்டியில்லாமல் கிண்டிக்கொண்டே மசிக்கவும். கேசரிப் பௌடரை தேவையான கலர் வரும் வரை சேர்க்கவும்
இப்போது கட்டியில்லாமல் உருளை சர்க்கரைப் பாகில் ஒன்றாக சேர்ந்து கொதிக்கும். பெரிய கரண்டியால் அடிப்பிடிக்காமல் கிண்டிக் கொண்டேயிருக்கவும். அப்பப்ப, 'மானே தேனே' மாதிரி நெய்யை விட்டுக்கொண்டேயிருக்கவும். கிட்டத்தட்ட அரைக் கிலோ நெய்யையும் வாங்கிவிடும்.
உருளைக் கிழங்கு அல்வா உருளியில் ஒட்டாமல் சுருண்டு வரும். வாங்கிய நெய்யையெல்லாம் திருப்பித்தரும். உடனே திருப்பி வாங்கிக்காதீங்க. அதிலேயே இருக்கட்டும்.இப்போது குங்குமப்பூ, பொடித்த ஏலக்காய், விரல்களில் நசுக்கிய பச்சைக்கற்பூரம் துளி அளவு,வறுத்த முந்திரி ஆகியவற்றைச் சேர்க்கவும். பாத்திரத்தில் ஒட்டாமல் ஓரங்களில் நுரைத்து வரும்போது அடுப்பை அணைத்து சிறிது ஆறியவுடன் தேவையான பாத்திரத்துக்கு மாற்றி நன்கு ஆறியவுடன் மூடி வைத்துக்கொள்ளவும்.
தீபாவளிக்குப் போகும் போது நெய்வழியும் அல்வாவை பெருமை வழிய எடுத்துக்கொண்டு ஊருக்குப் போனேன்.
ஆஹா! நானானி ஏதோ கொண்டுவந்திருக்கிறாள். எல்லோரும் ஓடிவாங்க என்று சுற்றமெல்லாம் கூவ.....பாத்திரத்தைத் திறந்ததுதான் தாமதம்! கும்மென்ற குங்குமப்பூ, நெய், ஏலக்காய் வாசனை தூக்கியடித்தது. ஆளாளுக்கு கிண்ணமும் ஸ்பூனும் கொண்டுவந்து அள்ளி அள்ளிப் போட்டுக் கொண்டு வாயில் போட அல்வா தொண்டையில் வழுக்கி வழுக்கி விழுந்தது.நல்லாருக்கு நல்லாருக்கு என்று கொண்டுபோன பாத்திரம் காலி!!!!நான் எப்படியிருக்கு என்று டேஸ்ட் கூடப் பாக்கவில்லை. எனக்கே அல்வா கொடுத்திட்டாங்க!! ஆனா மனசு மத்தாப்பூப் போல பூப்பூவா சொரிந்தது.
இப்ப சொல்லுங்க பிக்கர்பாயா இருந்த நான் இப்ப 'ஸ்டெஃபிக்ராபா? சானியா மிர்ஸாவா?'ஸ்டெஃபிதான் அவர்தான் ஜெயிச்சுக்கொண்டே இருந்தார்.

இப்படியிருந்த நான்......

எப்படி ஆயிட்டேன்!!!!!!!!!

கொட மொளகா நிழலில் கலர் கலர் பருப்பு உசிலி

2009-02-21T07:47:00.000-08:00

பருப்பு உசிலி...........ப்ரோட்டீன் சத்து நிரம்பியது. எந்த காயோடும், குறிப்பாக பீன்ஸ், கொத்தவரங்காய், காராமணி போன்றவை இதற்கு ரொம்பப் பிடிக்கும். ஆனால் குடைமிளகாய்?
புது உறவு உண்டாக்கிப் பார்த்தாலென்ன? 'ச்செய்யூ!' என்றது உள்ளிருந்து ஒரு குரல்.
முதலில் பருப்பு உசிலி சுலபமாக, அதிகம் எண்ணெய் பிடிக்காமல் தயாரிப்பது எப்படி? அதையும் கண்டுகொண்டேன்..நான் கண்டுகொண்டேன்!!
பாசிப்பருப்பை, தேவையான அளவு ஊற வைத்துக்கொண்டு, அது ஊறியதும் பச்சை மிளகாய், காய்ந்த மிளகாய்...காரத்துக்கேற்ப, இஞ்சி, கறிவேப்பிலை, கொத்தமல்லி சேர்த்து நீரை வடித்துவிட்டு மிக்ஸியில் கரகரப்பாக அரைத்துக்கொள்ளவும்.
அரைத்த விழுதை ஓர் அகலமான தட்டில் பரப்பி குக்கரில் ஒரு விசிலுக்கு வேக வைக்கவும். இன்னும் சுலபமாக வேண்டுமென்றால் ஓர் அகலமான மைக்ரோவேவ் பாத்திரத்தில் பரப்பி மைக்ரோவேவ் அவனில்
மூன்று அல்லது நான்கு நிமிடங்களுக்கு வேக விடவும். ஏதோ ஒரு மாதிரியில் வெந்த பருப்பை கத்தியால் சிறுசிறு துண்டுகளாக்கி மிக்ஸியில் ரெண்டு சுத்து சுத்தி உதிர உதிர எடுத்துக்கொள்ளவும். சுலபமாக உசிலி தயார்!!!!

இப்போது கலர் காப்சிகம்...சிவப்பு, மஞ்சள், பச்சை ஆகிய மூன்று வண்ண குடமிளகாய்களை
சின்னச்சின்ன க்யூப்களாக நறுக்கிக் கொண்டு, கடாயில் எண்ணெய் ஊற்றி அடுப்பிலேற்றி, எண்ணெய் காய்ந்ததும் கடுகு, உளுத்தம்பருப்பு, கறிவேப்பிலை சேர்த்து தாளித்து நறுக்கிய குடமிளகாய்களை சேர்த்து சிறிது வதக்கவும். மிளகாய்கள் அதிகம் வேக வேண்டுமென்பதில்லை. லேசாக வதக்கினாலே போதுமானது. நன்கு வதங்கியதும் உதிர்த்து வைத்துள்ள பருப்பு உசிலியை அதோடு கலந்து சிறிது நேரம் பிரட்டவும். பின் நறுக்கிய பச்சை கொத்தமல்லி சேர்த்து அலங்கரித்து, கண்களுக்கு குளிர்ச்சியாக வண்ணமயமான குடமிளகாய் பருப்பு உசிலையை வழக்கமான வசனங்களோடு, 'இதை பெரியவர்களும் குழந்தைகளும் விரும்பி சாப்பிடுவார்கள்!!' என்று சொல்லி சூடாகப் பரிமாறவும்.

இந்த பருப்பு உசிலி, நான் 'மங்கயர் உலகம்' என்று காலை ஏழு மணிக்கு கலைஞர் தொலைக்காட்சியில் ஒளிபரப்புவார்களே? அதில் பார்த்து செய்தது. அதைப் பார்க்காதவர்களுக்காக இங்கு பரிமாறுகிறேன். சேரியா....?

அடையடையாம்...அடையடையாம் - சமையல் குறிப்பு

2008-12-22T03:28:00.000-08:00

அடைகள் பல விதம். ஒவ்வொன்றும் ஒரு விதம்.
இந்த விதம் கிடைத்தது..."பொங்கி வருக தமிழே ! சங்கப்புலவர் காண வருக...!"என்று ஔவையார் பாடியதும் பொற்றாமரை திருக்குறளை ஏந்தி வந்த மாதிரி....
எனக்கொரு தாமரை கொண்டு தந்த குறிப்பு இது.

முழுவதும் கொண்டைக்கடலையால் செய்த அடை!!
முதல் நாள் இரவே கடலையை ஊற வைக்க வேண்டும்.
காலையில் அதன் மேல் தோலை பிதுக்கி எடுத்து பருப்பை மட்டும் எடுத்துக்கொள்ள வேண்டும்.

தாமரை சொன்னது,'உங்களுக்கு பொறுமை இல்லையானால் பாதித் தோலையாவது பிதுக்கி எடுங்கள்!!' வந்ததே ரோஷம்!!!எனக்கா இல்லை பொறுமை...?
என் பொறுமை உலகறிய வேண்டாமா? அத்தனைக் கடலையிலிருந்தும் தோலை பிதுக்கி...பிதுக்கி எடுத்தேன்....கவிழ்த்தேன் மிக்ஸிக்குள்!!

அத்தோடு இஞ்சி, பச்சைமிளகாய், காய்ந்த மிளகாய், கொஞ்சம் கறிவேப்பிலை, பச்சைக் கொத்தமல்லி சேர்த்து அரைத்தெடுத்தேன். உப்பும் பெருங்காயம் சேர்த்து கலந்து...

முறுகல்...முறுகலாக அடை வார்த்தெடுத்தேன். பச்சைமிளகாய்,கறிவேப்பிலை, கொத்தமல்லி சேர்த்தரைத்த தேங்காய் சட்னியை அடையின் உள்ளே தடவி அடைரோலாக செய்து தட்டில் வைத்தேன். மேஜைக்குப் போகுமுன் வீட்டிலுள்ளோர் எடுத்தது கண்டேன்...வாயில் கடித்ததும் கண்டேன். தொண்டையில் இறங்கியதையும் கண்டேன்.

மிக்ஸியில் கொண்டைக்கடலையைப் போட்டு அரைக்கு முன், 'அம்மா...! எனக்குக் கொஞ்சம் கடலை வேண்டும். தனியாக எடுத்து வையுங்கள்!!' என்ற அரைகூவல் கேட்டது.
என் மகள்தான். எதற்கு? கட்லெட் செய்ய என்றாள். அவளுக்கு எடுத்து வைத்த தோலுறித்த
கொண்டைக்கடலையோடு பச்சைமிளகாய், வெங்காயம், கொத்தமல்லி, ஜீராபொடி, உப்பு சேர்த்து மிக்ஸியில் ஒன்றிரண்டாக அரைத்து கொதிக்கும் எண்ணெயில் கட்லெட்கட்லெட்டாக பொறித்தெடுத்தாள்.

இதுக்கு என்ன பேர்றீ என்றதுக்கு...பலாஃபல் கட்லெட் என்றாள்!!!

அதிலும் கொஞ்சம் தோல் உறிக்காத கடலை எடுத்து வைத்திருந்தேன். எதுக்கு? சாயங்காலம்
நானே கோத்து தட்க்ஷிணாமூர்த்திக்கு கொண்டைகடலை மாலையாக சாத்தி அர்ச்சனையும் செய்து வந்தேன்.

ஆஹா...!ஊற வைத்த கொண்டைக்கடலை மூன்று விதமாக உபயோகமாயிற்று.
என்ன சாமர்த்தியம் என் சாமர்த்தியம்!!!!!!!!

காக்டெயில் புலாவ் - சமையல் குறிப்பு

2008-12-05T02:52:00.000-08:00

'என்ன சமையல் செய்யலாம்? அதை எப்படி அழைக்கலாம்?' என்று பாடிக்கொண்டே
என் ஆஸ்தான அறைக்குள்(அதான்!..கிச்சனுக்குள்)நுழைந்தேன். சில சமயம் ஒரு மாதிரி போரடிக்குமே? அப்படித்தானிருந்தது அன்றும். பிரிட்ஜைத் திறந்தேன். 'என்னை ஏதாவது பண்ணேண்டீ!!!இங்கே குளிர் தாங்கலை!' என்று என்னைப்பார்த்துத் தவிப்போடு கூவியது, பாதி கட் பண்ணி மீதியிருந்த பப்பாளி, அன்னாசி ஒரு கொத்து திராட்சை, ஒரு முழு ஆப்பிள், ஒரு சாத்துக்குடி.
கொஞ்சம் பொறுங்கள்!!என்று சொல்லிவிட்டு என் ஐடியா கோடவுனை சிறிது....சிறிதுதான் திறந்தேன்...பசக் என்று ஸ்பைடர்மேன் மாதிரி என் மனதில் வந்து ஒட்டிக்கொண்டது ஓர் ஐடியா!!

அவ்வளவுதான். போரடித்த போரையெல்லாம் 'ஆனைகட்டி போரடித்து' விரட்டினேன்.
மளமளவென்று வேலை ஆரம்பித்தாயிற்று.

குளிரில் வெடவெடத்த பப்பாளி, அன்னாசி,திராட்சை, ஆப்பிள், சாத்துக்குடி அனைவரையும் வெளியே எடுத்தேன். சந்தோஷமாக வெளியே குதித்தோடி வந்தன அவைகள். அடுத்து நடக்கப் போகும் கொடுமையறியாமல்.
சாத்துக்குடியை தனியாகப் பிழிந்து சாறெடுத்துக்கொண்டேன். பப்பாளி,ஆப்பிளை சேர்த்து மிக்ஸியில் அடித்து ஜூஸாக்கினேன். அன்னாசியையும் திராட்சையையும் அதேபோல் அடித்து
வடிகட்டியில் கொட்டையில்லாமல் ஜூஸாக்கினேன். ஐந்து பழரசமும் சேர்ந்து மூன்று கப் எடுத்துக்கொண்டேன். (இதுக்கு நாங்கள் ப்ரிட்ஜிலேயே இருந்திருக்கலாமென்று முனங்கின பஞ்ச பழங்களும்)

பின்னர் வழக்கம் போல் வெங்காயம் ரெண்டு நீளமா நறுக்கி இஞ்சி பூண்டு விழுது, பச்சை பட்டாணி, ஏலம் கிராம்பு, பட்டை, பிரிஞ்சி இலை, தேங்காய்ப்பால் ஒரு கப், நேய் அல்லது ரிபைண்ட் ஆயில், பிரியாணி அரிசி ரெண்டு கப் எல்லாம் தயார் செய்து கொண்டு அடுப்பை ஏத்தி அதில் என்னோட பேமஸ் ஏ எம் சி பாத்திரத்தை வைத்து சிறிதே சிறிது எண்ணை ஊற்றி மசாலா சாமான்களைப் பொறித்து பின் வெங்காயம் பட்டாணி சேர்த்து சிறிது வதக்கினேன்.

பிறகு பத்து நிமிடங்கள் ஊற வைத்து தண்ணீரில்லாமல் வடிகட்டிய பிரியாணி அரிசியையும் சேர்த்து பிரட்டிக் கொடுத்தேன்.

ரெண்டு கப் அரிசிக்கு நாலு கப் தண்ணீர் என்ற விகிதத்தில் ஒருகப் தேங்காய்ப் பாலும் மூன்று கப் ஐந்து வகை பழரசமுமாக பாத்திரத்திலிட்டு நன்கு கலக்கி கொதிக்கவிட்டேன்.
பாதி வேக்காட்டில் தேவையான உப்பு சேர்த்தேன்.

முக்கால் வாசி வெந்ததும் மறுபடி நன்றாக பிரட்டிவிட்டு அரிந்த கொத்தமல்லி தூவி நெய்யில் வறுத்த முந்திரி கிஸ்மிஸும் தூவி மூடிவிட்டேன். அடுப்பையும் அணைத்துவிட்டேன்.

சாப்பிடுமுன் திறந்ததும் பொலபொல வென பொலாவ் உற்சாகமாக மலர்ந்திருந்தது!!
மணமும் எல்லா அறைகளிலிருந்தவர்களையும் அறைந்திழுத்தது!!

சரி இதுக்கு என்ன பேர் வெக்கலாம்?
பார்களில் பல மதுபான வகைகளை சரியான அளவில் கலந்து 'காக்டெயில்'ன்னு பரிமாறுவார்களே(ளாமே) அது போல் பல வகை பழரசங்கள் கலந்த இதுவும் ஒருவகையான காக்டெயில்தான். ஆகவே இந்த புலாவுக்குப் பேர் "காக்டெயில் புலாவ்!!"

பேரைப் படிக்கும் போதே கிக் ஏறுதா? சாப்பிட்டும் ஏறுச்சான்னு சொல்லுங்க.....!சேரியா?வுனை சிறிது....சிறிதுதான் திறந்தேன்...பசக் என்று ஸ்பைடர்மேன் மாதிரி என் மனதில் வந்து ஒட்டிக்கொண்டது ஓர் ஐடியா!!

அவ்வளவுதான். போரடித்த போரையெல்லாம் 'ஆனைகட்டி போரடித்து' விரட்டினேன்.
மளமளவென்று வேலை ஆரம்பித்தாயிற்று.

குளிரில் வெடவெடத்த பப்பாளி, அன்னாசி,திராட்சை, ஆப்பிள், சாத்துக்குடி அனைவரையும் வெளியே எடுத்தேன். சந்தோஷமாக வெளியே குதித்தோடி வந்தன அவைகள். அடுத்து நடக்கப் போகும் கொடுமையறியாமல்.
சாத்துக்குடியை தனியாகப் பிழிந்து சாறெடுத்துக்கொண்டேன். பப்பாளி,ஆப்பிளை சேர்த்து மிக்ஸியில் அடித்து ஜூஸாக்கினேன். அன்னாசியையும் திராட்சையையும் அதேபோல் அடித்து
வடிகட்டியில் கொட்டையில்லாமல் ஜூஸாக்கினேன். ஐந்து பழரசமும் சேர்ந்து மூன்று கப் எடுத்துக்கொண்டேன். (இதுக்கு நாங்கள் ப்ரிட்ஜிலேயே இருந்திருக்கலாமென்று முனங்கின பஞ்ச பழங்களும்)

பின்னர் வழக்கம் போல் வெங்காயம் ரெண்டு நீளமா நறுக்கி இஞ்சி பூண்டு விழுது, பச்சை பட்டாணி, ஏலம் கிராம்பு, பட்டை, பிரிஞ்சி இலை, தேங்காய்ப்பால் ஒரு கப், நேய் அல்லது ரிபைண்ட் ஆயில், பிரியாணி அரிசி ரெண்டு கப் எல்லாம் தயார் செய்து கொண்டு அடுப்பை ஏத்தி அதில் என்னோட பேமஸ் ஏ எம் சி பாத்திரத்தை வைத்து சிறிதே சிறிது எண்ணை ஊற்றி மசாலா சாமான்களைப் பொறித்து பின் வெங்காயம் பட்டாணி சேர்த்து சிறிது வதக்கினேன்.

பிறகு பத்து நிமிடங்கள் ஊற வைத்து தண்ணீரில்லாமல் வடிகட்டிய பிரியாணி அரிசியையும் சேர்த்து பிரட்டிக் கொடுத்தேன்.

ரெண்டு கப் அரிசிக்கு நாலு கப் தண்ணீர் என்ற விகிதத்தில் ஒருகப் தேங்காய்ப் பாலும் மூன்று கப் ஐந்து வகை பழரசமுமாக பாத்திரத்திலிட்டு நன்கு கலக்கி கொதிக்கவிட்டேன்.
பாதி வேக்காட்டில் தேவையான உப்பு சேர்த்தேன்.

முக்கால் வாசி வெந்ததும் மறுபடி நன்றாக பிரட்டிவிட்டு அரிந்த கொத்தமல்லி தூவி நெய்யில் வறுத்த முந்திரி கிஸ்மிஸும் தூவி மூடிவிட்டேன். அடுப்பையும் அணைத்துவிட்டேன்.

சாப்பிடுமுன் திறந்ததும் பொலபொல வென பொலாவ் உற்சாகமாக மலர்ந்திருந்தது!!
மணமும் எல்லா அறைகளிலிருந்தவர்களையும் அறைந்திழுத்தது!!

சரி இதுக்கு என்ன பேர் வெக்கலாம்?
பார்களில் பல மதுபான வகைகளை சரியான அளவில் கலந்து 'காக்டெயில்'ன்னு பரிமாறுவார்களே(ளாமே) அது போல் பல வகை பழரசங்கள் கலந்த இதுவும் ஒருவகையான காக்டெயில்தான். ஆகவே இந்த புலாவுக்குப் பேர் "காக்டெயில் புலாவ்!!"

பேரைப் படிக்கும் போதே கிக் ஏறுதா? சாப்பிட்டும் ஏறுச்சான்னு சொல்லுங்க.....!சேரியா?

இங்கே கிள்ளிப் போட்டு..அங்கே அள்ளிப் போட்டு - சமையல் குறிப்பு

2008-11-22T20:15:00.000-08:00

அட! அடை சாப்பிட்டுருக்கிறீர்களா? என்ன புதுசா கேக்குறேன்னு பாக்குறீங்களா? அடை இங்கேயெல்லாம் சாப்பிட்டிருப்பீர்கள். அதான் எனக்குத் தெரியுமே!
கடலைப் பருப்பு, பாசிப்பருப்பு, உளுத்தம்பருப்பு, துவரம்பருப்பு போன்ற பருப்பு வகைகளெல்லாம் ஊறப்போட்டு அதில் காஞ்ச மெளகா, பச்ச மெளகா, இஞ்சி, கறிவேப்பிலை, கொத்தமல்லி, பெருங்காயம் எல்லாம் சேத்து அரைத்து தோசைக்கல்லை காய வைத்து அடைமாவை ஊத்தி எண்ணை விட்டு சுட்டு எடுத்தால் அதுதான் அடை!!

ஆனா நாஞ் சொல்ல வந்ததே வேற.
இங்கே நாம் எண்ணி எண்ணி, கிள்ளி கிள்ளி, பாயசத்துக்கும் இனிப்புக்கும் நெய்யில் வறுத்துப் போடும் முந்திரிப்பருப்பு, பாதாம் பருப்பு சேத்து செய்யும் அடை பத்தி!!

அமெரிக்கா போன போது அங்கு ஒண்ணு வாங்குனால் ஒண்ணு ப்ரீ என்று காஸ்கோ,ஸம்ஸ் போன்ற ஹோல்சேல் கடைகளில் (இங்கு மெம்பராக இருந்தால்தான் உள்ளேயே போக முடியும்)எது வாங்கினாலும் 'நானும் வருவேன்'ன்னு இன்னொண்ணும் கூட வரும். ஒரு பாக்கெட் முந்திரிப் பருப்பு வாங்கினால் இன்னொருபாக்கெட்டும்சேர்ந்து கிடைக்கும். அதே போல் பாதாம், பிஸ்தா, வால்னட், பீநட், பைன்நட் போன்றவைகளும். பாக்கெட்டென்றால் சின்ன மூட்டை சைசில் இருக்கும்.
அங்கு மாதந்திர சாமான்கள் வாங்குவதே சுலபமாயிருக்கும். எல்லோரும் ட்ராலி ட்ராலியாக அள்ளிக்கொண்டு போவார்கள். பார்க்கவே மனசெல்லாம் பொங்கும்!!

இப்படி மகள் வீட்டில் பாதாம், முந்திரி, பிஸ்தா, வால்நட், பீநட், பைன்நட் எல்லாம் பாக்கெட்டுகளாக அடுக்கியிருந்தது.
ஒரு நாள் அடைக்குப் போடலாமென்று ஷெல்பைத் திறந்து மேய்ந்த போது திடீரெனத் தோன்றியது. நம் ஊரில் நாம் கிள்ளிக் கிள்ளி உபயோகிக்கும் பாதாம் முந்திரியை அள்ளி அள்ளிப் போட்டு அடை செய்தாலென்ன? நினைத்ததை முடிப்பவள் அல்லவோ நாம்!

கடலைப்பருப்பு, பாசிப்பருப்பு, உளுத்தம்பருப்பு(சிறிது) கூட பாதாம்பருப்பும் முந்திரிப்பருப்பும் அள்ளிப் போட்டுத்தான், சேர்த்து ஊற வைத்தேன். அதோடு காய்ந்த மிளகாய், பச்சை மிளகாய், இஞ்சி சேர்த்து மிக்ஸியில் கரகரப்பாக அரைத்தெடுத்தேன். அதில் கறிவேப்பிலை கொத்தமல்லி அரிந்து, பெருங்காயம் தூளும் சேர்த்துத் தூவினேன்.

இரவில் அனைவரும் சாப்பிட வந்ததும் தோசைக்கல்லை நல்லாக் காய வைத்து...வெயிலில் இல்லை..எரியும் அடுப்பில். முறுகலாக தோசை வார்த்து மேலே சிறிது வெண்ணெய் வைத்து கெட்டிச்சட்னியோடு(விவேக்குக்கு ரொம்பப் பிடித்தது)பரிமாறினேன். அடிச்சுக்கோ பிடிச்சுக்கோன்னு காலியாயிற்று.

அடுத்த முறை முழுவதும் முந்திரி, பாதாம், பிஸ்தா, வால்நட், பீநட், பைன்நட் மட்டுமே சேர்த்து
அடை செய்யலாமென்றிருக்கிறேன். எனக்கு ரொம்பத்தான் இது இல்ல? இப்ப முடியாது...முடிந்தவர்கள் செய்து பாத்து சொல்லுங்கள்!!!

வாரத்திட்டம் - ६ சூப் ரெசிப்பிக்கள்

2008-11-09T21:48:00.001-08:00

குளிருக்கு இதமா சூப்.இதுதான் சென்ற வார
வாரத்திட்டம்.

இதோ வந்திருக்கும் ரெசிப்பிக்களின் தொகுப்பு.

சூப் ரெசிப்பியோட மெசெஜ் ஒன்னு கொடுத்திருந்தாங்க
மாதவி. பாராட்டுக்கள் மாதவி.

இங்கு நாம் அபிவிருத்தியடைந்து வரும் நாடுகளில் வசித்து வருவதால் பெரும்பாலும் அவல், நூடில்ஸ், தவிர்ந்த இன்ஸ்டன்ட் உணவுகள் கிடைப்பது அரிது. கட்டுபடியும் ஆகாது.எனவே பாவிக்கும் வழக்கம் பெரும்பாலும் இல்லை. அடுத்த தலைமுறையில் இங்கும் மாறிவிடலாம்.

எனவே நேரடியாகவே தயாரிப்போம்.

மாதவியின் கிழங்கு பட்டாணி சூப்

தொடர்வது புதுகைத் தென்றலின் பாலக் சூப்.

முதல் முறையாக ரெசிபி போட்டிருக்கும் அமுதா
தந்திருக்கும் சூப் ரெசிபி- எலும்பு சூப்.

இந்த வாரத்திட்டத்திற்கு ரெசிப்பி தந்தவர்களுக்கு மனமார்ந்த
நன்றிகள். தொடர்ந்து உங்கள் ஆதரவை அளிக்குமாறு
கேட்டுக்கொள்கிறோம்

வாரத்திட்டம் - 6

2008-11-02T20:13:00.000-08:00

எல்லோரும் நலமா?

இந்தவார சமையல்திட்டம் பத்தி சொல்ல வந்திருக்கேன்.

குளிர் காலம் துவங்கிடுச்சு. இதமா சூடா சூப் குடிச்சா
நல்லா இருக்கும்ல.

இன்ஸ்டண்ட் சூப் வாங்கி கரைச்சு கொதிக்க வெச்சு
சூப் ரெடின்னாலும் ப்ரத்யேக சூப் ரெசிப்பி கைவசம்
வெச்சிருப்பீங்கள்ல. அதை எடுத்து விடுங்க.

வெஜ், நாஜ் வெஜ் எதுவானுலும் சரி. வகை
வகையா சூப் ரெசிப்பி போட்டு லிங்க் கொடுங்க.

அடுத்த ஞாயிற்றுக்கிழமைக்குள் போஸ்ட் வந்தா போதும்.

சலட் செய்முறைகள்

2008-10-18T16:11:00.000-07:00

இந்த பதிவில் சென்ற வாரத்திற்கான சலட் செய்முறைகளில் தொகுப்பை காணலாம். உடலுக்கு மிகவும் சத்தான காய்கறி, பழ வகைகளால் செய்யப்பட்ட சலட் வகைகளை தமிழ் சமையல் வலைப்பூ திரட்டி நண்பர்கள் வழங்கியுள்ளனர்.

சின்னு டேஸ்டி செய்முறைகள் : மாதேவி

வெஜிட்டபிள் அன்ட் புருட் சலட்

பப்பாளி பஷன் புருட்டி

புதுகைத்தென்றலின் செய்முறைகள்:

பழ சலட்

தூயாவின் செய்முறையகள்: தூயாவின்ட சமையல்கட்டு

Cool as a cucumber

தயிர் சலட்

கமலாவின் செய்முறைகள்: கமலாவின் அடுப்படி

பப்பாளிபழ சலட்

வாரதிட்டம் 5: சலட்

2008-10-07T16:40:00.000-07:00

வணக்கம் உறவுகளே,

இரண்டு வாரங்களாக வாரதிட்டத்தை தொடராமல் இருந்த போது, உங்களில் பலர் தொடரும் படி கேட்டிருந்தீர்கள். சிலர் மின்னஞ்சலில் மிரட்டல்களை கூட அனுப்பியிருந்தீர்கள். மிக்க நன்றி.

இந்த வாரம் "சலட்" வகைகளை முயற்சி செய்யலாமே. இதில் காய்கறிகள் & பழங்கள் & பூக்கள் & இலைகள் போன்றவற்றை கொண்டு செய்யும் சலட்களை செய்து இணைக்கலாம். சமைக்காத காய்கறி, பழங்களில் தானே சக்தி அதிகம். உங்கள் வீட்டில் பிரபல்யமான சலட் பற்றி எழுதுங்களேன்.

இந்த வாரம் இனிய வாரமாக அமைய வாழ்த்துகள்..

[19//10/08] வரை செய்முறைகள் சேர்க்கலாம்]

ஃபில்டர் காபி

2008-10-01T15:32:00.000-07:00

கவுசல்யா சுப்ரஜா என்று திருப்பள்ளியெழுச்சி சொல்லி
எழுந்திருக்காதவர்கள் கூட “காபி”யின் மணத்தில்
”டய்ய்ங்” என்று எழுந்து உட்கார்ந்து விடுவார்கள்.

(வகை வகையாய் டீ போடும் எனக்கு காபி
ஒரு சவாலாகவே இருந்தது. அயித்தானோ
மிஸ்டர்.மெட்ராஸ். அவருக்காக காபி
போட கற்றுக்கொண்டேன். இப்ப சூப்பரா
கலக்கறோம்ல)

இன்ஸ்டண்ட் காபியை விட சுவை மணம்
மிக்கது ஃபில்டர் காபி.

பழைய காலத்து டெக்னிக்கில் காபி
போடுவது எனக்கு ரெம்ப கஷ்டம். :)
இந்த ஃபில்டரில் டிகாஷன் எடுப்பது பெரிய
கலை.

நான் பாவிப்பது இதுதான். எனக்கு ரொம்ப ஈசியா
இருக்கு. இந்த மாதிரி ஃபில்டரில் டிகாஷன் சரியா
வராது என்பது பலரின் குற்றச்சாட்டு. அதெல்லாம்
ஒண்ணும் இல்லீங்க சூப்பரா டிகாஷன் வரும்.

பழைய காபி ஃபிலடரில் போடுவது போல் செஞ்சா
போதும். அதாவது பொடியைப் போட்டு முதல் முறைத்
தண்ணீரி விட்டு அது நன்றாக இறங்கியதும் அடுத்த
முறை தண்ணீர் விட்டு எடுத்து இரண்டையும் கலந்தால்
டிகாஷன் ரெடி.

பழைய ஃபிலடரைப் போலவே இதிலும் முதல்
தடவை எடுத்த டிகாஷன் திக்காக இருக்கும்.

டிகாஷன் ரெடி செஞ்சாச்சா. இப்பத்தான் இருக்கு
காபி கலக்கும் கலை.

காபி கலக்க, சர்க்கரை, பால், டிகாஷன் போதும்னு
எல்லோருக்கும் தெரியும். ஆனால் சரி விகித சாரம்,
எதை முதலில் சேர்க்க வேண்டும் இது காபியின்
மணத்திற்கும், சுவைக்கும் மிக முக்கியம்.

முதலில் சர்க்க்கரையை ( 1 ஸ்பூன் போதும்)
போட்டுக் கொள்ளவும்.

பிறகு 1/4 பாகம் டிகாஷன் ஊற்றவும்.

பிறகு பாலைச் சேர்த்து நுரைவர ஆற்றினால்
காபி ரெடி. எல்லோரும் காபி எடுத்துக்கோங்க.

4tamilmedia வில் எங்களை பற்றி

2008-09-28T21:32:00.000-07:00

வணக்கம் உறவுகளே,

இணையத்தில் உலாவும் போது தற்செயலாக இந்த பக்கத்தை பார்த்தேன். எங்கள் கூட்டு முயற்சிக்கு ஊக்கம் தரும் வகையில் எழுதப்பட்டிருக்கும் ஒரு பதிவு. நிச்சயம் பாருங்கள். வாரம் ஒரு உணவு மறுபடி தொடர சொல்லி கேட்ட அனைவருக்கும் நன்றிகள். விரைவில் இந்த வாரத்திற்கான (இன்று எனக்கு பல்கலைகழகத்தில் ஒரு பரீட்சை) உணவு அறிவிக்கப்படும்.

அனைவருக்கும் இனிய வாரம் அமைய வாழ்த்துகள்.

வாரதிட்டம் 4: இது எங்க வாரம்

2008-09-07T19:10:00.000-07:00

தாமதத்திற்கு ஆரம்பத்திலேயே ஒரு மன்னிப்பை சொல்லி வைக்கிறேன். இடையில் பிறந்த நாள் விழா சிறப்பாக நடந்து கொண்டிருந்தது. அதை இடைஞ்சல் பண்ண மனசு வரவில்லை. (ஆமா வந்திட்டாலும் ஒழுங்கா எழுதிடுவிங்களாக்கும் என்ற கேள்வியை யாரப்பா கேட்பது)

பொதுவாக நாம் வீட்டில் இருப்பவர்களுக்கு அது பிடிக்கும் இது பிடிக்கும் என பார்த்து பார்த்து சமைப்போம். (அது, இது க்கெல்லாம் செய்முறை கேட்கப்படாது). அதிசயமாக எங்களுக்கு பிடித்ததை இன்று சமைக்கலாமே என் ஆரம்பிப்போம். அப்படி சமைப்பது மிகவும் சுவையாக இருக்கும். (இருக்காதா பின்ன, முழு கவனமும் அங்கு தானே இருக்கும்) அப்படியான உங்களுக்கு பிடித்த உணவு வகைகளை இணைக்க சொல்லி கேட்டிருந்தோம். இணைத்தவர்களுக்கு நன்றிகள். இனி சமையல்களின் தொகுப்பு:

தெய்வசுகந்திக்கு பிடித்த தக்காளி சந்திகை:

மாதேவிக்கு பிடித்த இடியப்ப புரியாணி:

புதுகைதென்றலுக்கு பிடித்த மோர்க்களி, அப்பள வெந்தயக் குழம்பு:

தூயாவிற்கு பிடித்தது வினிகர் கத்தரிக்காய்:

புதியவரவு: ஆயில்யன்:

"கருகிப்போகாத சாதம் (நானும் கிட்டதட்ட ஒருவருஷமா டிரைப்பண்றேன்! :()சாம்பார் + இட்லி எதுவும் எனக்கு செய்ய தெரியாது ஆனால் நல்லா திங்க தெரியும் :)"

பால்கோவா AMC cookware-ல்

2008-09-04T03:08:00.000-07:00

AMC பாத்திரம் பற்றி கேள்விப்பட்டிருப்பீர்கள்.
'இது ஒரு ஜெர்மன் தயாரிப்பு. சர்ஜிகல்
மெட்டல், அதாவது ஸ்டெயின்லெஸ் ஸ்டீல் உலோகத்தாலானது.
விரைவாக சூடேறும். அதே நேரம் சமையல் எண்ணையும் எரிவாயுவும் குறைவாக செலவாகும்.
என்ணையில்லா சமையலுக்கு ஏதுவானது.' இப்படியெல்லாம் வாசல் கதவைத்தட்டி, டைகட்டிய
ஸேல்ஸ் பர்சன் ஒருவர் வந்து விரிவுரை ஆற்றி கவிழாத ரங்கமணியையும் கவிழ்த்துவிட்டார்.
வழக்கமாக இப்படி வருவோரை கேள்வி மேல் கேள்வி கேட்டு அவரை துண்டைக் காணோம் துணியை காணோம் என்று ஓட வைப்பவர். இப்போது 'வாங்கலாமே!' என்று முடிவெடுத்துவிட்டார்.வந்தவரும் கடைசி வரை விலையைச் சொல்லாமல் பயன் பாடுகளை அழகாகச் சொல்லி 'பரவாயில்லை! இந்த விலை கொடுக்கலாம்.' என்று முடிவெடுக்க வைத்துவிட்டார். ரங்கமணியைப் பற்றித் தெரிந்ததனால் ஆரம்பத்தில் ஆர்வமில்லாமல் கேட்டுக்கொண்டிருந்தேன். வாங்கலாம் என்றதும் எனக்கு மயக்கம் வராத குறைதான்.

வாங்கி உபயோகித்ததும் அவர் சொன்னது எதுவும் பொய்யில்லை என்று உணர்ந்தேன்.
அந்த AMC பாத்திரத்தில் செய்ததுதான் இந்த பால்கோவா!!

தேவையானவைகள்
பால் - இரண்டு லிட்டர்
சர்க்கரை - அரைக் கிலோ
பாம்பே ரவை - 200 கிராம்
குங்குமப்பூ - 2 பிஞ்
நெய் - 50 கிராம்
பச்சைக் கற்பூரம்

கிண்டலாமா

பாலை ஏஎம்சி பாத்திரத்தில் ஊற்றி அடுப்பில் வைத்து மூடி போட்டு மூடவும். மூடியிலுள்ள
மீட்டரில் சிவப்பு பாயிண்டுக்கு வந்ததும் மூடியை எடுத்துவிட்டு கொதிக்கவிடவும். இடையிடயே
கிண்டவும். இந்த பாத்திரத்தில் மற்ற பாத்திரங்களைப்போல் அடி பிடிக்காது. ஓரங்களில் பால் சேராமல் கிண்டிக்கொண்டேயிருக்கவும். பச்சைக் கற்பூரத்தை உள்ளங்கையில் வைத்து நசுக்கி உதிர்த்து பாலோடு சேர்க்கவும்.

பால் பாதி சுண்டியதும் குங்குமப்பூவையும் ரவையையும் போட்டு கட்டி விழாமல் கிளரவும்
ரவை நன்கு வெந்ததும் சர்க்கரையை சேர்த்து விடாமல் கிண்டவும்
பாலும் ரவையும் சேர்ந்து சுருள, பாத்திரத்தில் ஒட்டாமல் வரும் பதத்தில் அடுப்பை அணைத்து விடவும்.

தேவையான பாத்திரத்துக்கு மாற்றி ஆறவிடவும். ரவை பால்கோவா தயார்.
இனிப்புகளில் பச்சைக் கற்பூரம் சேர்ப்பது பற்றி சமீபத்தில்தான் தெரிந்து கொண்டேன்.
அப்பாவிடம் பச்சைக் கற்பூரம், குங்குமப்பூ, ஜவ்வாது, கோரசனை போன்ற பொருட்கள்
ஸ்டாக் இருக்கும் எங்களுக்குத்தேவையான போது அப்பாவிடம் போய் வாங்கிக் கொள்வோம்.
குங்குமப்பூ அளந்து தருவதே ஓர் அழகு. சின்ன தராசில் ஒரு ரூபாய் வெள்ளி நாணயத்தை
ஒரு பக்கமும் அந்த ஒரு ரூபாய் எடைக்கு குங்குமப்பூவும் நிறுத்து இன்ஜெக்ஷன் பாட்டிலில்
போட்டு தருவார்கள். கடையில் அதன் விலையும் தெரியாது. அப்பா காலத்துக்குப் பிறகுதான் குங்குமப்பூவின் விலையே தெரிந்தது. பச்சைக்கற்பூரமும் ஒரு சிறிய பாட்டிலில் தருவார்கள்.பச்சைக் கற்பூரத்தை சேர்க்கும் காரணமே தெரியாமல் அப்பா சொன்னதால் உபயோகித்துக்கொண்டிருந்தோம். காரணமும் கேட்கத் தெரியாது. அதிக இனிப்பு சாப்பிடுவதால்
ஏற்படும் சர்க்கரை நோயை மட்டுப்படுத்தவே இனிப்பில் பச்சைக் கற்பூரம் சேர்க்கிறோம்.

இந்த ரவை சேர்த்து பால்கோவா செய்யும் முறையை எனக்கு சொல்லித்தந்தவர் என் மதனியின்
சகோதரி திருமதி மணி. அவர் செய்து கொடுத்ததை ருசித்தவுடன் பக்குவம் கேட்டு தெரிந்து கொண்டேன். பால்கோவாவில் பால் தவிர என்ன சேர்ந்திருக்கிறது என்று கேட்ட போது
எங்கள் யாராலும் கண்டுபிடிக்க முடியவில்லை. உங்களால் கண்டுபிடிக்க முடியுமா பாருங்கள்!!!

என்னாத்த கண்டுபிடிக்க..? அதான் அப்பன் குதிருக்குள் என்று தான் சொல்லிட்டயே?

பிறந்தநாள் விருந்து

2008-09-03T04:38:00.000-07:00

என் பிறந்த நாளுக்காக வாழ்த்துக்களும் சொல்லி, சமையல் கலை பதிவர்களை எனக்கு விருந்து வைக்க ஆளுக்கொரு பதார்த்தம் செய்து வரும்படி அன்பு வேண்டுகோளும் வைத்திருந்தார்..சகோதரி தூயா!! ஆஹா! எங்கள் குடும்பத்தில் நான்தான் அடிக்கடி விருந்து வைப்பேன். எனக்கே விருந்தா? ரொம்ப சந்தோஷமாயிருந்தது. ஆனாலும் வெறுங்கையை வீசிக்கொண்டு செல்ல மனமில்லாததால் பிறந்தநாளன்று குக்கிய ஸ்பெஷல் விருந்தை எல்லோரோடும் சேர்ந்துண்ண அவற்றை இங்கே படைக்கிறேன்.
எக் கிரேவி:

தேவையானவை:

பெரிய வெங்காயம் - நான்கு
பெங்களூரு தக்காளி - பெரியது இரண்டு...சதைப் பற்றுக்காக
நாட்டுத் தக்காளி - இரண்டு...புளிப்புக்காக
ஜிஜி பேஸ்ட் - இரண்டு ஸ்பூன்
பச்சை மிளகாய் - ஒன்று, இரண்டாகக் கீறியது
மஞ்சள் பொடி - ஒரு ஸ்பூன்
மிளகாய் பொடி - இரண்டு ஸ்பூன்(அல்லது காரத்துக்கேற்ப)
ஜீராப் பொடி - அரை ஸ்பூன்
தனியா பொடி - மூன்று ஸ்பூன்
பொட்டுக்கடலை, வேர்கடலை, முந்திரி மிக்ஸியில் பொடித்தது - இரண்டு அல்லது மூன்று ஸ்பூன்
அளவாக அவித்து தோலுறித்த முட்டைகள் - நான்கு(இருக்கும் நபர்களுக்குத் தக்கவாறு)
உப்பு - தேவைக்கேற்ப
எண்ணை - அரைக்கப்
கறிவேப்பிலை - தாளிக்க
பச்சைக் கொத்தமல்லி - அலங்கரிக்க

இப்ப செய்யலாமா?

வெங்காயம், தக்காளி ஆகியவற்றை பொடியாக சாப்பிக்கொள்ளவும். கடாயில் எண்ணை ஊற்றி
முதலில் வெங்காயத்தைப் போடவும். அதோடு கறிவேப்பிலை, ஜிஜி பேஸ்ட் போடவும். நன்கு சிவக்க வறுபட்டதும் தக்காளியை சேர்க்கவும். கொஞ்சம் பிறட்டி, மஞ்சள், மிளகாய், ஜீரா, தனியா பொடிகளைப் போட்டு மறுபடியும் பிறட்டி சிறிது நேரம் மூடி வைக்கவும்.
வெங்காயம் தக்காளி அடையாளம் தெரியாதபடி குழம்பாக மாறியிருக்கும். தேவையான உப்பு
சேர்த்து சிறிது தண்ணீர் விட்டு கொதிக்கவிடவும். நன்கு கொதித்து ஒன்று சேர்ந்தவுடன் பொட்டுக்கடலைப் பொடியை தண்ணீர் விட்டு குழப்பி குழம்பில் சேர்க்கவும். கிரேவி இப்போது
திக்காக வந்திருக்கும். பரிமாறும் பாத்திரத்தில் மாற்றி ஊறித்து வைத்திருக்கும் முட்டைகளை
திசைக்கொன்றாக வைத்து கொத்தமல்லி தூவி அலங்கரிக்கவும். விரும்பினால் கிரீமும் விட்டு அலங்கரித்தால் சூப்பராயிருக்கும்.

கலர்புல் மிண்ட் ரைஸ்:

தேவையானவை:

பிரியாணி அரிசி - இரண்டு கப்
பெரிய வெங்காயம் - நீளமாக அரிந்தது.
புதினா - ஒரு கட்டு சின்னது. இலைகள் ஆய்ந்து சுத்தம் செய்து மிக்ஸியில் விழுதாக அரைத்தது.
பூண்டு - 6-7 பல்
இஞ்சி - சிறு துண்டு பொடியாக அரிந்தது
பச்சை மிளகாய் - 2-3 நீளவாட்டில் கீறியது
ஏலக்காய் - இரண்டு
கிராம்பு - இரண்டு
பிரிஞ்சி இலை - ஒன்று
பிரியாணி வேக வைக்க - 3 கப் தண்ணீர், ஒரு கப் தேங்காய்ப்பால்(திக் பால் வேண்டாம். நீர்க்க இருந்தால் போதுமானது)
மஞ்சள், சிவப்பு, ஆரஞ்சு, பச்சை நிற குடமிளகாய்கள் க்யூப் க்யூபாக நறுக்கியது.
உப்பு - தேவைக்கேற்ப
ரிபைண்ட் ஆயில் அல்லது நெய்
மூன்று ஸ்பூன் நெய் விட்டு வறுத்த முந்திரி - அலங்கரிக்க
பச்சைக் கொத்தமல்லி - பொடியாக அரிந்தது அலங்கரிக்க

செய்யலாமா?

பிரியாணி அரிசியை அரை மணிநேரம் நீரில் ஊறவைக்கவும்.
பாத்திரத்தை அடுப்பிலேற்றி எண்ணை ஊற்றவும். காய்ந்ததும் ஏலம், கிராம்பு, பிரிஞ்சி இலைபோட்டு பொறிக்கவும். பின் வெங்காயம், பச்சை மிளகாய், பூண்டு, இஞ்சி, அரைத்த புதினா விழுது சேர்த்து வதக்கவும். பிறகு ஊற வைத்துள்ள அரிசியை தண்ணீரில்லாமல் நன்கு வடிகட்டி அதையும் சிறிது நெய் விட்டு வதக்கவும். நல்ல வதங்கியதும் மூன்று கப் தண்ணீர் ஒரு கப் தேங்காய்பாலும் சேர்த்து நன்கு கிளறி மூடி வைக்கவும். கொதிக்க ஆரம்பித்ததும் புதுனா வாசம் வாசல் கதவு வழியாக வெளியேறி, போவோர் வருவோரையெல்லாம் வாசம் பிடிக்கச் சொல்லும்.
அரிசி பாதி வெந்ததும் உப்பைப் போடவும். முக்கால் பதம் வெந்ததும் பாத்திரத்தை மூடி அடுப்பை அணைத்து விடவும். 'தம்மரோ தம்' என்று தம்மிலேயே உதிரி உதிரியாக வெந்துவிடும்.
பரிமாறுவதற்கு முன் கடாயில் நெய் விட்டு முந்திரி வறுத்து உடன் க்யூபாக நறுக்கி வைத்துள்ள கலர் குடமிளகாய்களையும் லேசாக வதக்கி பிரியாணியில் சேர்த்து கலந்து பரிமாறும் பாத்திரத்துக்கு மாற்றி கொத்தமல்லித் தழை தூவி 'கேவாக்கலர், டெக்னிக்கலர், ஈஸ்ட்மன்கலர்'
போல 'கேப்ஸிக்கலர்' புலாவ் என்று சொல்லி அசத்திருங்கள்!!(அசந்துருவீங்கதானே?)

இந்த இரண்டு ஐட்டமும் நான் கொண்டு வாரேன்...பாட்லெக்குக்கு. வாருங்கள் எல்லோரும்
சேர்ந்து உண்ணலாம்...சூப்பர்..சூப்பரென்று பாடலாம்!! சேரியா? எப்படி இருந்துதுன்னும்
சொல்லிப்போடுங்க.

நல்ல சாப்பாட்டுக்குப் பிறகு இனிப்பு வேணுமில்லையா? பொறுங்க...பொறுங்க... அடுத்த பதிவில் இனிப்பும் வருது.
குடமிளகாயையும்

இன்று பிள்ளையார் சதுர்த்தி!!அனைவருக்கும் வினாயகரின் அருள் சித்திக்கட்டும்!!!!

வாழைக்காய்ச் சம்பல்

2008-08-31T09:25:00.000-07:00

ஈழத்தில் வாழைகாய் சம்பல் சோற்றுககான பிரபலமான பக்க உணவு. பொதுவாக அதற்கு வாழைக்காயை அவித்து பச்சை மிளகாய், வெங்காயம், தேங்காய்ப்பூ, சேர்த்து மசிப்பார்கள். நான் கொஞ்சம் வித்தியாசமாக இருக்கட்டுமே என்று போறணை/ சூழ் (Oven) இல் வைத்து சுட்டு எடுத்து சம்பல் செய்தேன்.

தேவையான பொருட்கள்

வாழைக்காய் ..... 1
சின்ன வெங்காயம் .... 6
பச்சை மிளகாய் ....... 3
புளித்த பாலாடை (Sour cream).. 4 மெசைகரண்டி
உப்பு......................... சுவைக்கேற்ப

செய்முறை

1. வாழைக்காயின் அடி மற்றும் நுணி பகுதியை வெட்டி அகற்றவும். அலுமினியம் தாளில் வாழைகாயை முழுமையாக மூடி சுற்றி முள்ளு கரண்டியால் குற்றி துளை ஏற்படுத்தவும் (நீராவி வெளியேற).

2. சூழையை (Oven) 230 பாகை செல்சியசில் சூடக்கி, அலுமினீயம் தாளால் சுற்றிய வாழைக்காயை 20-30 நிமிடம் சுட்டு எடுக்கவும்.

3. வெளியே எடுத்து கையால் தொடக்கூடிய சூடு வரும் வரை குளிர விடவும்.

4. தோலை உரித்து சிறிய துண்டுகளாக வெட்டி கொள்ளவும். (பொடியான வாழைக்காய் பதம் விருப்பமானவர்கள் கரட் துருவியால் துருவலாகவும் துருவி எடுத்துக்கொள்ளலாம்)

5. பச்சை மிளகாய், வெங்காயத்தை பொடியாக நறுக்கிக்கொள்ளவும்

6. வெட்டிய பச்சை மிளகாய், வெங்காயம், வாழைக்காய், Sour cream, உப்பு அனைத்தையுன் சேர்த்து நங்கு கலக்கவும். சுவையான வாழைக்காய் சம்பல் தயார்.

சமையல்கட்டில் பிறந்தநாள்

2008-08-24T05:40:00.000-07:00

எங்களோட அன்பான நானானிக்கு இன்று பிறந்த நாள். அனைவரும் அவரை வாழ்த்துவோமா..அப்படியே ஒரு சின்ன விருந்து வைக்கலாமே. உங்க சமையல்கட்டில் இருந்து விருந்துக்கு கொண்டுவருபவற்றின் இணைப்பை தாருங்கள்.

இனிய பிறந்த நாள் நல்வாழ்த்துக்கள் நானானி :)

என்னுடைய பங்கிற்கு:

வாரதிட்டம் 4: சமையல்காரர்கள் வாரம்

2008-08-24T03:50:00.000-07:00

இந்த வாரமும் திட்டம் 4 ஐ வைக்க சொல்லி உறவுகள் கேட்டதிற்கிணங்க:

நண்பர்களுக்கு அன்பான வணக்கங்கள்,

இனிப்பு வாரத்தின் தித்திப்பு காரணமாக ஒரு வாரம் இடையில் விடுபட்டுவிட்டது. இன்று வியாழன் ஆகிவிட்டது. ஞாயிறு அன்று தொகுப்பு பதிவு போட்டாக வேண்டும். ஆகவே இந்த முறை எங்கள் வாரம். எப்பவும் மற்றவர்களுக்கு அது பிடிக்கும், இது பிடிக்கும் (அதுவும் இதுவும் உணவல்ல) என சமைக்கும் எமக்கு பிடித்த உணவுகளை இந்த வாரத்தில் தொகுக்கலாம்.

சமையல்கட்டு வீரர்கள், வீராங்கணைகளின் சுவை பற்றி அறிய காத்திருக்கின்றோம்.

இனிய நாளாக இன்று அமைய வாழ்த்துக்கள்.

எனக்குப் பிடிச்சது எங்கூரு சொதி-தான்

2008-08-21T10:16:00.000-07:00

நெல்லைச்சீமைக்கு விருந்துக்கு வருபவர்களுக்கு கண்டிப்பாக ஒன்று கூட்டாஞ்சோறு
அல்லது இந்த சொதியை மணக்க மணக்க பரிமாறி திணறடித்துவிடுவார்கள். குறிப்பாக திருமணம் முடிந்த மறுநாள் மத்தியானச் சாப்பாடு 'சொதி சாப்பாடாகத்தானிருக்கும்'.

இப்போதெல்லாம் மாப்பிள்ளை வீட்டு, மறுவீட்டு சாப்பாடாக போட்டுவிடுவார்கள். முன்போல் மறுவீடு என்று மாப்பிள்ளை வீட்டில் பெண் வீட்டாரை அவர்கள் வீட்டுக்கு அழைத்து விரூந்து வைப்பதற்குப் பதில் கல்யாண மண்டபத்திலேயே மறுநாள் மத்தியான சாப்பாடாக
போட்டுகிறார்கள். அதாவது அந்த செலவு அவர்களது. இவர்களுக்கும் அலைச்சல் மிச்சம்.

சரி...சொதி செய்வதை, 'எப்படி...எடுத்துரைப்பேன்?'

இப்படித்தான்!!

சொதிக்குத் தேவையானவைகள்:

தேங்காய்- அரை மூடித் தேங்காய் இரண்டு பேருக்கு என்ற அளவில்
துருவி மிக்ஸியில் தண்ணீர் விட்டு அரைத்து முதல், இரண்டாம், மூன்றாம் பால்
என்று தனித்தனியாக எடுத்து வைத்துக் கொள்ளவும்.
துவரம் பருப்பு: இரண்டு கப் வேகவைத்து மசித்தது.

தேவையான காய்கறிகள்: காரட், பீன்ஸ், பட்டாணி, உருளை, பிஞ்சு கத்தரிக்காய்,
முருங்கைக்காய், இவற்றை அவியலுக்கு நறுக்குவது போல் நறுக்கிக்
கொள்ளவும், பூண்டு பெரிய பல்லாக 10 அல்லது15

அரைக்கத் தேவையானவைகள்: காரத்துக்கேற்ப பச்சைமிளகாய், இஞ்சி விரலளவு ரெண்டு
துண்டு விழுதாக அரைத்துக்கொள்ளவும்.

புளிப்புக்கு: எலுமிச்சம் பழம் ரெண்டு அல்லது மூன்று, சாறு எடுத்துக்கொள்ளவும்

உப்பு தேவையான அளவு.

செய்முறை:

பாத்திரத்தில் மூன்றாவது பாலை விட்டு கொதித்ததும் பீன்ஸ்,காரட்,உருளை இவற்றை முதலில்
போட்டு அவை பாதி வெந்ததும் கத்தரிக்காய்,முருங்கைக்காய்,பட்டாணி,பூண்டு ஆகியவற்றைப் போட்டு வேகவிடவும். காய்கள் வெந்ததும் மசித்து வைத்துள்ள பருப்பை சேர்க்கவும். பின் அரைத்த பச்சைமிளகாய் இஞ்சியையும் சேர்க்கவும். பிறகு இரண்டாவதுபாலை ஊற்றவும்.
சொதி..ஒரு கொதி வந்ததும் அடுப்பை அணைத்துவிட்டு திக்கான முதல் பாலை ஊற்றி பின்
பிழிந்து வைத்துள்ள எலுமிச்சை சாறை ஊற்றி கடுகு உளுத்தம் பருப்பு தாளித்து, பொடியாக நறுக்கிய கொத்தமல்லித் தழையைத் து.....வி இறக்கினால்...அந்த மணம்..

ஹய்..!சொதி..சொதி..என்று குதித்தோடி வருவார்கள். யாரெல்லாம்? பெரியவர்களும் சிறியவர்களும்தான்!!

இதற்கு 'மேட்சான ஜாக்கெட்' ரிப்பன், கண்ணாடி வளையல்கள்: உருளைக்கிழங்கு காரக்கறி மற்றும் உருளக்கிழங்கு சிப்ஸ், இஞ்சிப் பச்சடி(இனிப்பு அல்லது காரம். இல்லேன்னா ரெண்டுமே!)

இவற்றையெல்லாம் பரிமாறி, 'ஊடு கட்டி ஒரு பிடி பிடித்தால்...தயிர்சாதம் பக்கமே வரமாட்டார்கள். அம்புட்டு சொதியும் காலீ.....ஆயிடும். அம்புட்டு ருசில்லா?

தேங்காய் பாலில் செய்வதால் சுலபமாக ஜீரணிக்க இஞ்சிப் பச்சடி உதவும்.

வத்தக் குழம்புக் பொடி...செய்யலாமா?

2008-08-19T11:55:00.000-07:00

செய்வோமா? குழம்புப்பொடி!
தேவையானவை:
விதைக் கொத்தமல்லி----250 கிராம்
துவரம்பருப்பு---------- 75 கிராம்
அரிசி-------------------75 கிராம்
ஜீரகம்-------------------75 கிராம்
மிளகு-------------------75 கிராம
வெந்தயம்----------------50 கிராம்
கொத்தமல்லியை தனியாக வெறும் கடாயில் வறுத்துக்கொண்டு, பிறகு மற்றவற்றையும் அதேபோல்
வறுத்துக்கொள்ளவேண்டும். லேசாக வாசனை வரும் வரை.
காய்ந்த மிளகாய்---விருப்பத்துக்கேற்ப---150 அல்லது 200 கிராம்
கறிவேப்பிலை மிளகாய்க்கு சமமாக.
இவை இரண்டையும் கடாயில் தேவையான எண்ணையூற்றி மொறுமொறுவென்று வறுக்க வேண்டும். சிறிது ஆறியதும் மெஷினில் கொடுத்து பவுடராக அரைத்துக்கொள்ள வேண்டும்.
அரைத்த சூடு ஆறியதும் பாட்டிலில் போட்டு வைத்துக்கொண்டு தேவையான போது உபயோகிக்கலாம்.

இதுவே வத்தக்கொழம்புப்பொடி.
பெரியவர்களும் குழந்தைகளும்....சாரி..சாரி.. பழக்கதோஷம்.
வாய்க்கு வொணக்கையாக, காரமாக சாப்பிடும் பெரியவர்களுக்கு மிகவும் பிடிக்கும்.
எலுமிச்சையளவு புளி கரைத்துக்கொண்டு இந்தப்பொடி 4-5 கரண்டிகள் + மஞ்சள் பொடி 2 கரண்டிகள் + தேவையான உப்பு சேர்த்து கலக்கி அதோடு ஒன்றிரண்டாக அரைத்த சாம்பார் வெங்காயம்,கறிவேப்பிலை,கொத்தமல்லியும் சேர்த்து (இது எங்கள் வியாபார ரகசியம்) பாத்திரத்தில் வெந்தயம் பொறித்து குழம்புக் கலவையை ஊற்றி கொதிக்கவிடவும். கொதிக்கும் போதே மணம் ஊரைக் கூட்டும்!

இதற்கு பொறுத்தமான காய்கள்...பூண்டு, முருங்கக்காய்-கத்தரிக்காய், ஊறவைத்து வேகவைத்த
மொச்சை இன்னும் கைக்கு கிடைத்த காய்கள் எல்லாமும். குழம்பு விரும்பி ஏற்றுக்கொள்ளும்.

இதை நான் நிறைய பூண்டு போட்டு கன்டென்ஸ்டாக செய்து வைத்துக்கொள்வேன். முடியாத நேரத்தில் கை கொடுக்கும்.

பச்ச சுண்டக்கா குழம்பும் வத்தக் குழம்புப் பொடியும் ஒரு மீள்பதிவு.

பச்ச சுண்டக்கா கொழம்பு!!

2008-08-19T08:30:00.000-07:00

என்ன..? சுண்டக்காய் என்றதும் முகம் சுண்டிப்போச்சு? அது உடம்புக்கு...பரவைமுனிம்மா பாஷையில்'மேலுக்கு நல்லது'. படத்தில் பார்ப்பது பச்சை பட்டாணியில்லை. அவ்வளவும் பச்சைசுண்டக்காய்!!!
சுண்டக்காயோடு கூட கத்திரிக்காய்,முருங்கக்காய் சேர்த்து கொழம்பு வைத்தால் மணம் ஊரைக்கூட்டும்.

பச்சை சுண்டக்காய் வாங்கி காம்பு கிள்ளிவிட்டு லேசாக அடித்து வாய் பிளந்தாற்போல் உடைக்கவேண்டும். பிறகு தண்ணீரில் அலசினால் உள்ளிருக்கும் விதைகள் ஓரளவு வெளியேறிவிடும். காயின் கசப்பும் சிறிது குறையும். கசப்பு கொஞ்சம் வேண்டும்.

கத்தரிக்காய்,முருங்கக்காய் இரண்டையும் நறுக்கிக்கொள்ளவேண்டும்.
மண் பானை அடுப்பிலேற்றி...ஆம் மண் பானைதான். அதில் சமைக்கும் ருசியும் மணமும் தனிதான்!

எண்ணை காயவைத்து காய்ந்ததும் அதில் சிறிது வெந்தயம் பொரித்து காய்களை கறிவேப்பிலையோடு சேர்த்து வதக்க வேண்டும். நன்கு வதங்கியதும் எலுமிச்சை அளவு புளி கரைத்து அதோடு வத்தல் கொழம்புப்பொடி நாலு அல்லது ஐந்து கரண்டி, மஞ்சள் பொடி இரண்டு கரண்டி சேர்த்து நன்கு கலக்கி
காகளோடு சேர்த்து வேக விடவும். கொதிக்கும்போது தேவையான உப்பு மற்றும் சாம்பார் வெங்காயம்,ஜீரகம்,கொத்தமல்லி,கறிவேப்பிலை இவெற்றை மிக்ஸியில் ஒன்றிரண்டாக அரைத்து கொழம்பில் சேர்க்கவும்.

காய் நன்றாக வெந்து கொழம்பும் தேவையான அளவு கொதித்ததும் கடுகு உ.பருப்பு கறிவேப்பிலை தாளித்து பொடியாக அரிந்த வெந்தயக்கீரை தூவி இறக்கவும்.

சூடான சாதத்தில் நெய்யூற்றி அதில் இந்தக் கொழம்பையும் ஊற்றி கொழப்பி அடித்தால்...!
அதை நீங்கள்தான் செய்து பார்த்து சொல்ல வேண்டும்.

ஆங்! வத்தக்கொழம்புப்பொடி எப்படி செய்வது என்று சொல்லவில்லையே!?
அது அடுத்த பதிவில்தான்!

தக்காளியோதரை......சமையல் குறிப்பு

2008-08-19T06:40:00.000-07:00

அதென்ன? புளியில் செய்தால் அது புளியோதரை!! அதுவே தக்காளியில் செய்தால், அது
தக்காளியோதரைதானே? சரிதானே துரைமார்களே! துரைசானிமார்களே?

நேற்று சமையலறைக்குள்...இன்று 'என்ன சமையலோ?' என்று பாடியவாறே நுழைந்தேன்.
என்னை பார்த்து கண்ணடித்தது கூடையிலிருந்த குறும்புக்கார தக்காளி ஒன்று.
ஆஹா! கண்ணா அடிக்கிறே..இன்று நீ கைமாதான். உடனே கோடவுனிலிருந்து குதித்தது ஐடியா ஒன்று. அதுதான்...தக்காளியோதரை!!

நன்கு பழுத்த தக்காளி....நாட்டுத்தக்காளியும்(புளிப்புக்கு) பெங்களூர் தக்காளியுமாக கால் கிலோ.வேகவைத்து தோலுறித்து மிக்ஸியில் விழுதாக அரைத்துக்கொள்ளவும்

2-ஸ்பூன் விதை தனியா
1 1/2 ஸ்பூன் வெந்தயம் இரண்டும் வெறும் கடாயில் வறுத்து பொடித்துக்கொள்ளவும்

காரத்துக்கேற்ப 8 அல்லது 10 காய்ந்த மிளகாய்...2 அல்லது 3-ஆக ஒடித்து வைத்துக்கொள்ளவும்

தாளிக்க - நல்லெண்ணை, வெந்தயம், கடுகு, உளுத்தப்பருப்பு, பெருங்காயம், ஜீரகம், பொட்டுக்கடலை,வேர்கடலை
கறிவேப்பிலை,உப்பு, வெல்லம்

அடுப்பில் கடாய் வைத்து அரைக்கப் எண்ணை ஊற்றி காய்ந்ததும் பெருங்காயம், அரை ஸ்பூன் வெந்தயம்,அரை ஸ்பூன் ஜீகரம், ஒரு ஸ்பூன் கடுகு, ஒன்றரை ஸ்பூன் உளுத்தம் பருப்பு, ரெண்டு ஸ்பூன் பொட்டுக்கடலை, வேர்கடலை, காய்ந்த மிளகாய்,கறிவேப்பிலை இவற்றை ஒவ்வொன்றாகப் போட்டு தாளிக்கவும். நன்கு வறு பட்டதும் அரைத்து வைத்துள்ள தக்காளி சாற்றையும் சேர்த்து கொதிக்கவிடவும். தேவையான உப்பு சேர்க்கவும். பொடித்து வைத்துள்ள மல்லி வெந்தயப் பொடியையும் சேர்த்து கொதிக்கவிடவும்.இடையிடையே நல்லெண்ணை விட்டுக்கொள்ளவும். நன்கு கொதித்து நீர் வற்றி எண்ணை வெளிவிடும்போது சிறிது வெல்லம் சேர்த்து இறக்கிவிடவும். தக்காளியோதரை மிக்ஸ் தயார்!!!!

பொலபொலவென வேகவைத்து ஆறவைத்த சாதத்தில் தேவையான அளவு தயார் செய்து வைத்துள்ள மிக்ஸை சேர்த்து கிளறி அதோடு மறுபடியும் கடுகு, உளுத்தம்பருப்பு,
பொட்டுக்கடலை வேர்கடலை, சிறிது பெருங்காயத்தூள், கறிவேப்பிலை தாளித்து சாதத்தில் கொட்டி கலந்தபொடியாக அரிந்த பச்சைக் கொத்தமல்லி தூவினால் சுவையான மணமான தக்காளியோதரை தயார்!!

நல்லாருந்துதுங்க.....நிஜம்மா...சும்மா ஒரே ரூட்டில் போகிறோமே என்று, 'நாட்டாமை!!
ரூட்ட மாத்து!' ன்னு சொன்னா மாதிரி நான் மாத்தின ரூட்டில் கிடைத்ததுதான் இந்த
தக்காளியோதரை!!

வாரதிட்டம் 3- Sweet

2008-08-03T21:15:00.000-07:00

முதலாவதாக புதுகை தென்றல் அவர்களை வாரதிட்டம் 3 ஐ அறிமுகப்படுத்த அழைக்கின்றோம். உங்கள் விருப்பத்திற்கு திட்டத்திற்குரிய பொருளை அறிவிக்கலாம். வாழ்த்துகள்.

முதலாவதா நானா? எனக்கு ரொம்ப கூச்சமா இருக்கு:)

கோதாவில இறங்கிட்டேன்.

ஆடி, ஆவணி மாதங்கள் பண்டிகை மாதங்கள்.

இந்த வாரத்திட்டம் பண்டிகைக்கு செய்யப்படும் ஏதாவது
இனிப்பு வகை:

இனிப்பு இதை விரும்பாதவங்களே கிடையாதே.
சிலபேர் ரொம்பவே ஸ்வீட்டா இருப்பாங்க. (அதான்
உடம்பிலேயே சர்க்கரை சேர்ந்திடும்)

வெல்லம், சர்க்கரை, லோசுகர் எதுவேண்டுமானாலும்
சேர்க்கலாம். வித்தியாசமாய் விதம் விதமாய் இருக்கட்டும்.

போட்டுத் தாக்குங்க. ஆல் தி பெஸ்ட்.

வாரதிட்டம் 2: கடல் உணவு செய்முறைகள்

2008-08-03T04:25:00.000-07:00

இந்த வாரம் கடலுணவினால் தயாரிக்கப்பட்ட உணவு வகைகளை பார்க்க போகின்றோம். கடலுணவு பற்றி விக்கிபீடியாவில் உள்ளது "கடலுணவு தமிழ் நாடும் தமிழீழமும் நீண்ட கடற்கரையை கொண்டுள்ளமையால், தமிழர்கள் உணவில் கடலுணவு முக்கிய பங்கு வகிக்கின்றது. மீன், இறால், நண்டு, கணவாய், மட்டி ஆகியவை தமிழர்களால் விரும்பி உண்ணப்படுகின்றது." சைவ விரும்பிகளுக்காக சோயாவையும் இதில் சேர்த்துள்ளோம். இனி செய்முறைகளை பார்க்கலாம்.

எப்போதும் உற்சாகமாக உணவு தயாரிக்கும் புதுகை தென்றலின் பொல் சம்பல்

புதிதாக இணைந்தாலும், மிகவும் சுறுசுறுப்பாக பதிவிடும் தெய்வ சுகந்தியின் சோயா பிரியாணி

அடுத்து தூயாவின் சமையல் கட்டில் இருந்து கேரள மீன் குழம்பு

செய்முறையா வேண்டும்? ஒன்றென்ன, ஆயிரம் சொல்கின்றேன் என சித்ரா அவர்கள் தந்திருக்கும் செய்முறைகள்:
இறால் வறுவல்

நண்டு குருமா

இறால் குழம்பு

நெய்மீன் வறுவல்

வஞ்சிரமீன் குழம்பு

தொடரும் வாரங்களில் தமிழ்சமையல் வலைப்பூ திரட்டி உறுப்பினர்கள் வாரதிட்டத்தை தேர்ந்தெடுப்பார்கள். முதலாவதாக புதுகை தென்றல் அவர்களை வாரதிட்டம் 3 ஐ அறிமுகப்படுத்த அழைக்கின்றோம். உங்கள் விருப்பத்திற்கு திட்டத்திற்குரிய பொருளை அறிவிக்கலாம். வாழ்த்துகள்.

சமையல் குறிப்பு

2008-07-28T20:16:00.000-07:00

திருமணம் நிச்சயம் ஆனதும் அம்மம்மாவிடம்தான் சமையல் கற்றுக்கொண்டேன். முதன் முதலில் அம்மா (நான் அப்படித்தான் அழைப்பேன்) தந்த சமையல் குறிப்பு இதோ உங்களுக்காக.

1.அடுக்களையில் நுழையும் முன் உன் கோபதாபங்களை மூட்டை கட்டி வைத்து விடு.

2. மனது அமைதியாக இருந்தால் தான் சமையலில் மனம் லயிக்கும்.

3. ரசித்து சமை ! ருசியாக இருக்கும்.

4. தேநீர் கலந்தாலும் பால், சர்க்கரை, டீத்தூளுடன் 2 spoon அன்பையும் கலந்து பரிமாறு.

5. அன்பான, இனிமையான மனத்துடன் தயாரிக்கப்படும் எந்த உணவும் அமிர்தத்திற்கு சமானம். இல்லையேல் அது விஷமாகி விடும்.

இந்த சமையற்குறிப்பை நான் இன்று வரை கடை பிடிக்கிறேன்.

என் அடுக்களையைய் அலங்கரிக்கும் அடுக்களை பிரார்த்தனை. இதோ.

MY KITCHEN PRAYER
MY KITCHEN IS A HEAVEN THAT'S MINE AND MINE ALONE
BUT ALL WILL GET A WELCOME HERE, THE WARMEST THEY HAVE KNOWN.
SO, GOD I ASK YOU KINDLY TO BLESS THIS HALLOWED SPOT
WHERE I PERFORM GREAT MIRACLES WITH OVEN, PAN AND POT.
PLEASE ALSO BLESS MY COOKING SO THAT EACH MEAL I MAKE
BRINGS DEEPEST SATISFACTION TO ALL WHO MIGHT PARTAKE.
AND NOW GOD LET ME OFFER MY WARMEST THANKS TO YOU
FOR GRANTING US, OUR DAILY BREAD AND OTHER BLESSINGS TOO...

யாரோ சொன்னது:
A RECIPIE IS ONLY A THEME, WHICH AN INTELLIGENT COOK CAN PLAY EACH TIME WITH VARIATION".

புத்திசாலித்தனம், சுவை, கற்பனனத்திறன் ஆகியவை சமையற்கலையில் முழுதும் பயன் படுத்தபடுகிறது.

(இது மீள் பதிவு)

வார திட்டம் 2: கடல் உணவு

2008-07-28T04:14:00.000-07:00

வணக்கம் உறவுகளே,

எங்களது முதலாவது வாரத்திட்டம் சிறப்பாக அமைந்தது. வாரத்திட்டதின் அறிமுகத்தை படித்து, ஆர்வமாக கலந்து கொண்ட அனைவருக்கும் நன்றிகள். மிகவும் உற்சாகமாக செய்முறைகளை, அழகிய படங்களுடன் தந்து சமையல் ரசிகர்களை கட்டிப்போட்ட புதுகை தென்றல், நானானி, சின்னு டேஸ்டி, தெய்வசுகந்தி, வி.ஜே.சந்திரன் மற்றும் சித்ரா அவர்களுக்கு நன்றிகள். புதிதாக எங்களுடன் இணைந்திருக்கும் அனைவரையும் மறுபடி ஒரு தடவை அன்போடு வரவேற்கின்றோம். இனி இந்த வார திட்டம் பற்றி சில வரிகள்.

பல உறவுகள் கேட்டுக் கொண்டதற்கிணங்க, இந்த வாரம் அசைவ சமையல் வாரமாகின்றது. குறிப்பாக கடல் உணவுகளை முதன்மை பொருளாக கொண்டு செய்த செய்முறைகளை எதிர்பார்க்கின்றோம். அசைவம் சமைக்க முடியாதவர்கள், அதற்கு ஈடாக உண்ணும் உணவு வகைகளை சமைக்கலாம். (உதாரணம்: சோயாவில் செய்யப்பட்ட பொருட்கள், முட்டையில்லாத கேக் செய்முறை)

மேலதிக தகவல்களோ, கேள்விகளோ இருப்பின், மறுமொழியிடவும். எங்கள் வலைப்பூவின் ஆசிரியர்கள் முடிந்த அளவு உடனே பதில் அளிப்பார்கள்.

இந்த வாரம், இனிமையான ஒரு வாரமாக உங்களுக்கு அமைய எங்களது நல் வாழ்த்துக்கள்.

ஸ்டார் ஹோட்டல்களிலும் கூட கிடைக்காத டிஷ்!!

2008-07-27T04:09:00.000-07:00

பழங்கறி , சுண்டக்கீரை....தண்ணி சாதம்! ருசித்தவர் நாவில் நீரூறும்!!!!

இதைத்தான் என்.எஸ்.கிருஷ்ணன் மதுரைவீரன் படத்தில் தேவாமிர்தம் என்றார்.

ஐந்து நட்சத்திர ஹோட்டல் மெனுவிலும் இருக்காது. மூன்று நட்சத்திர ஹோட்டல் மெனுவிலும் இருக்காது. ஏன்? சரவண
பவன், வசந்தபவன், சங்கீதா ஹோட்டல்கள் மெனுவிலும் கிடையாது. கையெந்திபவனில் கேட்டுப்பாருங்கள் ?ஊஹூம்!!
பின் எங்கே கிடைக்கும்? அன்போடு அம்மா உருட்டிப்போடும் தயிர்சாதத்தில் கிடைக்கும்.

ஆம்! திருநெல்வேலி சமையலில் இதற்கு முக்கியமான இடம் உண்டு. அதுவும் பொங்கலுக்கு மறுநாள் முன்தினம் பொங்கிய சாதத்தில் கட்டித்தயிர் ஊற்றிப்பிசைந்து இந்தக் கறிகள் எல்லாம் கூட வர எதாவது ஆற்றங்கரைக்குப் போய்
சாப்பிட்டால்.......அம்மம்மா!....சொர்க்கம்....அங்கே கிடைக்கும் தேவ அமுதம்!!!

உறுப்பினர்கள் அதிகமாக இருக்கும் குடும்பங்களில் அவியல் ,கடைந்த கீரை, வத்தல்குழம்பு செய்து மதியம் சாப்பிட்டுவிட்டு ,மீதியிருக்கும் அவியலிலும் கீரையிலும் தனித்தனியாக வத்தல்குழம்பு ஊற்றி மண்சட்டியில் சுண்ட
வைப்பார்கள். சுண்டும் மணம் நாவை சுண்டியிழுக்கும்.

இரவு மீந்த சாதத்தில் கட்டித்தயிர் ஊற்றிப் பிசைந்த தயிர்சாதத்து தொட்டுக்கொள்ள பழங்கறிக்கும் சுண்டக்கீரைக்கும்
ஈடு வேறு ஏதாவது உண்டா சொல்லுங்கள் பார்க்கலாம்? அதிலும் சீசனில்

மாம்பழமும் சேர்ந்து கொண்டால் ஷொல்லவே வேண்டாம்.

அதிலும் வெயில் காலத்துக்கு ஏற்ற இன்னொன்று....மண்பானையில் வடித்த புழுங்கலரிசி சாதம்..வடித்த அந்த கஞ்சியை
இரவு பானையில் மீதியுள்ள சாதத்தில் விட்டு, காலையில் ஒரு கிண்ணத்தில் அந்த சாதமும் கஞ்சித்தண்ணியும் விட்டு உப்பும் இட்டு ஒரு தட்டில் பழங்கறி,சுண்டகீரை வைத்து அள்ளி உண்டால் உச்சி முதல் உள்ளங்கால் வரை ஒரு குளிர்ச்சி பரவும் பாருங்கள்! அதுதான் சூப்பர் ப்ரேக்ஃபஸ்ட்! ப்ரெடாம்லெட், கெலாக்ஸ், பான்கேக், பேகல் எல்லாம் கிட்ட நிக்கமுடியாமல் காததூரம் ஓடிவிடும். இன்னும் இதோடு ஈராய்ங்கம்!.....அதாங்க சின்ன வெங்காயம் கடித்துக்கொண்டால்
ஜலதோஷத்துக்கே தோஷம் வந்து விலகி விடும்.

அந்த கஞ்சித்தண்ணியை வெறுமே உப்புப்போட்டு பருகினாலும் குளிர்ச்சியே! இதைத்தான் 'தேவாமிர்தம்' என்றார்களோ?

என் பிள்ளைகளுக்கு அவியலும் கீரையும் புதிதாக சாப்பிடப்பிடிக்காது. எனவே பழங்கறியும் சுண்டக்கீரையும் செய்வதற்காகவே அவியலும் கீரையும் செய்து 'புதுப் பழங்கறி, சுண்டக்கீரை' செய்வேன். தயிசாதத்தோடு உருட்டிப்போட்டால் கூட நாலு கவழம் உள்ளே போகும். என் மகன் மும்பையில் விமானம் ஏறு முன், 'அம்மா! தயிர் சாதம் பழங்கறி வேண்டும்.' என்று மொபையிலில் சொல்லிவிடுவான். அவன் வருமுன் ரெடியாயிருக்கும். இரவு பதினொருமணிக்கு உருட்டிப்போடப்போட அவனுக்கு வயிறும் எனக்கு மனமும் நிறையும்!

இவ்வளவும் சொல்லும் போது என் அம்மா பௌர்ணமி இரவில் எங்கள் எல்லோருக்கும் ஒரு பெரிய பாத்திரத்தில் கட்டித்தயிர் விட்டு சாதம் பிசைந்து பழங்கறி சுண்டக்கீரையோடு உருட்டி உருட்டி போட்டெதெல்லாம் மனக்கண்ணில்
ரிவைண்டாகி ஓஓஓஓஓடியது!!!!!

வாரதிட்டம் 1: தயிர் செய்முறைகள்

2008-07-26T16:47:00.000-07:00

உறவுகள் அனைவருக்கும் வணக்கம்,

பேச்சுவாக்கில் ஆரம்பித்த எங்களது கூட்டு வலைப்பதிவும், வாரதிட்டமும் இத்தனை தூரம் சிறப்பாக அமைந்ததையிட்டு மிக்க மகிழ்ச்சி. வாரதிட்டம் அறிவித்ததிலிருந்து மிகவும் ஆர்வமாக பங்கேற்றவர்களுக்கு முதலில் நன்றியை தெரிவித்து கொள்கின்றோம். பங்கேற்றவர்கள் சிலரே எனினும், அவர்களுக்கு ஊக்கம் கொடுத்தவர்கள் பலர். அவர்களுக்கும் அடுத்த நன்றிகள். அடுத்து வரும் வாரங்களிலும் உற்சாகத்துடன் பங்கேற்று ஒருவருக்கொருவர் புதிய செய்முறைகளை அறிமுகம் செய்ய வேண்டும்.

இனி இந்த வார திட்டத்திற்கான தயிர் பற்றி சில தகவல்களும், தயிர் செய்முறைகளும் இதுவரை கூட்டுப்பதிவில் இணைந்தவர்களை பற்றிய ஓரிரு வார்த்தைகளும்:

தயிர் எனும் பதார்த்தம் பாலை திரிய வைத்து கிடைப்பது என்பது நாம் அனைவரும் அறிந்த விடயமே. பாலை திரிய வைப்பதற்காக தேசிகாள்புளி/எலுமிச்சை சாறு, வினாகிரி உபயோகப்படுத்த படுகின்றது. இவற்றை விட முன்னர் செய்து வைத்திருக்கும் தயிரே போதுமானது கூட. ஊருக்கு செல்லும் நேரங்களில் அப்பாச்சி இந்த முறையில் தான் தயிர் செய்வதை அவதானித்திருக்கின்றேன்.

தயிரை இரவு நேரங்களிலும், குளிர்/பனி நேரங்களிலும் சாப்பிடுவது நல்லதல்ல. எங்கள் முன்னோர்கள் மோரை தான் அதிகம் உண்டு வந்தார்கள் என படித்த நினைவு உண்டு. தயிரில் உள்ள சில குறைபாடுகள் தான் இதற்கு காரணம் என நினைக்கின்றேன். அளவுக்கு மிஞ்சினால் அமுதமும் நஞ்சாகிவிடும் என்பார்கள். தயிர்மட்டும் விதிவிலக்கா!

ஈழத்தில் தயிரை சைவ உணவு உண்ணும் வேளைகளில் (பகலில்) மறக்காமல் பார்க்கலாம். சாதத்துடனும், காய்கறி கறிகளுடனும் சேர்த்து உண்பார்கள். சிலர் சாதத்துடன் தயிரையும் சீனியையும் (சக்கரை) கலந்து உண்பார்கள். தயிரை மண்சட்டிகளில் பாதுகாப்பார்கள்.

தென்னிந்தியாவிற்கு நான் பயணித்த நேரத்தில், உணவு வேளையில் இறுதியாக தயிரை உண்பதை கவனித்துள்ளேன். உணவகங்களில் கூட தயிரை மறக்காமல் பரிமாறுவதை கவனித்தேன்.

தென்னிந்தியாவில் ஒருவர் ஒரு வேளை உட்கொள்ளும் தயிரின் அளவை ஒப்பிடும் போது, ஈழத்தில் ஒருவர் உட்கொள்ளும் தயிரின் அளவு மிகவும் குறைவே. தொட்டுக்கொள்ள ஊறுகாய் போலவே தயிரை உபயோகிப்பார்கள். (சிலர் தயிர் சட்டியையே விழுங்குவதை நான் குறிப்பிட விரும்பவில்லை ;)

இது தவிர இரு நாட்டவரும் தயிரை முதன்மை செய்முறை பொருளாக கொண்டு பல உணவு வகைகளை சமைத்து உட்கொண்டு வருகின்றார்கள். அவற்றுள் சிலவற்றை தான் இந்த பதிவில் பார்க்க போகின்றோம்.

புதுகை தென்றல் வலைப்பூவில் திட்டத்தை அறிவித்த உடனேயே சமையல்கட்டிற்கு சென்றிருப்பார் போல. உடனேயே அவர் சமைத்து, ரசித்து எங்களுடன் பகிர ஆசைப்பட்ட செய்முறையை முதலில் பார்க்கலாம்.

கடி பக்கோடி

அடுத்து எங்கள் வாரதிட்டத்தை தற்செயலாக பார்த்து, ஆர்வத்துடன் எங்களுடன் இணைந்த சின்னு டேஸ்டி அவர்களுடைய செய்முறை. சகோதரியை அன்புடன் வரவேற்போம்.
தயிர் அவல்

சின்னுவை போலவே வலைப்பூவில் புதிதாக ஆரம்பித்த தெய்வசுகந்தியும் ஆர்வத்துடன் திட்டத்தில் பங்கெடுத்தார். தன் முதல் பதிவையே திட்டத்திற்காக எழுதியுள்ளார். சகோதரியை வாழ்த்து வரவேற்போம்.

கேரட் தயிர் குழம்பு

அடுத்த பதிவு வி.ஜே. சந்திரன் அவர்களுடையது. அடிக்கடி சுவாரசியமாக செய்முறைகளால் எங்கள் அனைவரையும் மகிழவைக்கும் சந்திரன் அவர்களுடை தயிர் செய்முறையை பார்க்கலாம்.

சுட்ட கத்தரிக்காய் சம்பல்

அடுத்து சகோதரி சித்ரா அவர்கள் என்னை தனிமடலில் தொடர்பு கொண்டு, தானும் திட்டத்தில் இணைந்து கொள்ள ஆர்வமாக இருப்பதாக அறிவித்தார். சகோதரி பல இடங்களில் செய்முறைகள் எழுதி பிரபலமானவர். குறிப்பாக அறுசுவையை சொல்லலாம். வந்த உடனேயே எங்களுக்காக மூன்று தயிர் செய்முறைகளை தந்திருக்கின்றார். சித்ரா அவர்களை வாழ்த்தி வரவேற்கின்றோம்.

காரட் தயிர் பச்சடி
சேமியா தயிர் கிச்சடி தயிர் வடை

அடுத்தது எங்கள் அன்பின் நானானி அவர்களுடைய செய்முறை. தமிழ் சமையல் வலைப்பூ திரட்டியிலேயே செய்முறையை பகிர்ந்து கொண்டுள்ளார்.

தயிர் மோர்மிளகாய்

இறுதியாக தூயாவின் சமையல்கட்டில் இருந்து இரண்டு செய்முறைகள்.
தயிர் சேமியா
படத்தில் இருப்பது தயிர் சேமியா அல்ல ;)

தயிர் சலட்

முதல் வாரத்திலேயே அருமையான பதிவர்கள் சுவையான செய்முறைகளுடன் தமிழ்சமையல் வலைப்பூ திரட்டியை அலங்கரித்துள்ளார்கள். வரும் வாரங்களில் இந்த பங்களிப்பு தொடர்ந்து வரும் என எதிர்பார்க்கின்றோம். மேலும் பலர் ஊக்கத்துடன் கலந்து கொள்ள அன்புடன் அழைக்கின்றோம். முதல் வாரத்தை வெற்றிவாரமாக்கிய அனைவருக்கும் நன்றிகள்.

மோர் மிளகாய் இட்லிப் பொடி...உள்ளம் கேக்குமே மோர்!!

2008-07-24T09:20:00.000-07:00

இந்த கிச்சன் கில்லாடி..ஹா..ஹா..ஹி..ஹி..சொல்ல மறந்த ஒரு இட்லிப்பொடி, மோர்மிளகாய் இட்லிப்பொடி.

காரமாய் சாப்பிடும் ஓர் உறவினர் என் இல்லம் ஏகிய போது( செந்தமிழு...!?)அவருக்காக மனதில் உதித்தது இந்தப் பொடி.

மோர்மிளகாயை எண்ணெயில் நன்கு கருக பொரித்து எடுத்துக்கொண்டு அதோடு வெறும் கடாயில் வறுத்த கடலைப் பருப்பு,உளுத்தம்பருப்பு மற்றும் பொரித்த கறிவேப்பிலை எல்லாவற்றையும்
மிக்ஸியில் நன்றாக பொடிசெய்து கொண்டு இட்லி தோசையோடு எண்ணெய் அல்லது நெய் சேர்த்து கலந்தடித்தால் அந்த உறவினர் போல் சொக்கியே.......போவீர்கள்!

சோதனை பதிவு

2008-07-23T06:02:00.000-07:00

எங்கள் வலைப்பூவை தமிழ்மணத்தில் இணைத்துள்ளோம். புதிய பதிவுகளை முகப்பில் பார்க்க முடிகின்றது. ஆனால் மறுமொழிகள் வரும் போது தமிழ்மணத்தில் தெரியவில்லை. என்ன காரணம்? எப்படி இதை சரி செய்யலாம்?
உதவ போகும் நல் உள்ளங்களுக்கு நன்றிகள்

இது தான் நான் - அறிமுகம்

2008-07-19T04:04:00.000-07:00

திருமணம் நிச்சயம் ஆனதும்தான் சமையற்கட்டு எந்தப்பக்கம் என்று
பார்க்க வந்தவள். :)

எனது ஆரம்பக்கால சமையலை ருசி பார்த்த பரிசோதனை எலிகள்
என் மாமாக்களும் அம்மம்மாவும் தான்.

நான் முதன் முதலாக வைத்தது கறுப்பு ரசம். (கருப்பு புளியில
செஞ்சதைத் தவிர வேறு எந்தப் பாவமும் அறியாத
சூப்பர் ரசமாக இருந்தாலும்) என் மாமாக்களால் இன்றளவும்
புகழப்படுகிறது !!!

திருமணத்திற்கு அப்புறம் தனிக்குடித்தனம் என்பதால்
வேறு வழியே இல்லாமல் சமையல் செய்ய வேண்டிய
கட்டாயம் எனக்கு. சமையல் கற்றது அயித்தானுக்காக.

வேகாத காயக இருந்தாலும்,” உப்பு காரமெல்லாம்
சரியாகத்தானம்மா போட்டிருக்க” என்று சொல்லும்
அன்பு அவரிடம் நிறைய இருந்தது. அந்த அன்பிற்காக
சமையல் கற்க ஆரம்பித்து இன்று வகை வகையாக
சமையல் செய்கிறேன்.

கணவரின் சர்டிபிகேட். “எப்படி இருந்த நான்?
இப்படி ஆயிட்டேன்!” இது எனக்குத்தாங்க பொருந்தும்.
நான் குண்டானதுக்கு என் மனைவியின் சமையல்
பெரும் காரணம் ”என்று அனைவரிடமும் சொல்வார்.

பிள்ளைகளின் சர்டிபிகேட்.
ஹோட்டல் சாப்பாடெல்லாம் வேண்டாம் அம்மா!
அங்க கூட இல்லாத வெரைட்டி சமையல்
எங்க வீட்டிலதானே கிடைக்குது”.

இப்படி பிள்ளைகள், கணவர் மட்டுமல்லாமல்
சாப்பிட்ட அனைவரும் பாராட்டும் வகையில்
சமைப்பது .

6 வருடங்களுக்கு முன் சென்னையில் இருந்தபோது
ஊறுகாய் போட்டு விற்று இருக்கிறேன்.
கணவரின் நண்பர் மனைவியோடு சேர்ந்து
விசேடங்களுக்காக சமைத்து அனுப்பியதுண்டு.
பொழுது போக்காக செய்தது பலரின் பாராட்டால்
மனம் நிறைவான வேலையாக இனித்தது.

இதுதான் இந்த சமையல் திரட்டியில் நானும்
சேர ஒரு காரணம்.

இம்புட்டுதாங்க என் சுயபுராணம்.

தயிரைக்கொண்டு சமையல் செஞ்சு நான்
பதிவு என் பிளாக்கில் போட்டாச்சுங்கோ.

அறிமுகப்பதிவு - சமையல் வலைப்பூ திரட்டி உறுப்பினர்

2008-07-19T00:39:00.000-07:00

பெயர் : பொன்வண்டு
வயது : கரண்டி பிடிக்கும் வயது
தகுதி : சமையல் வலைப்பூ வைத்திருப்பது
சாதனை : சமைப்பதை நண்பர்கள் சாப்பிடுவது
வேதனை : அப்படியும் அவர்கள் திருந்தாதது
எரிச்சல் : பாத்திரம் கழுவுவது
நண்பர்கள் : காய்கறி நறுக்குபவர்கள்
எதிரிகள் : சும்மா உட்கார்ந்து புத்தகம் படிப்பவர்கள்
மறப்பது : உப்பு போட
மறக்காதது : அடிக்கடி கையை நறுக்க
சமீபத்திய சாதனை : பிரியாணி செய்தது
நீண்டகால சாதனை : நல்லா சமைக்கிறேன் என எல்லோரும் நம்பிக்கொண்டிருப்பது

தூயா அக்காவின் வேண்டுகோளின் பேரில் அறிமுகப்பதிவு போட்டாச்சு. இந்தத் தகுதிகள் போதாதா சமையல் திரட்டியில் சேர்வதற்கு?? நானும் இனிமேல் இந்த வலைத்தளத்தில் உறுப்பினர். ஆகவே நண்பர்களே எப்போதும் போல உங்கள் ஆதரவைத் தரவேண்டுமாய்க் கேட்டுக்கொள்கிறேன்.

இந்த வாரம் தயிர் வாராமாமே எதாவது ஏடாகூடமா முயற்சி செய்து சொல்கிறேன். :)

வார திட்டம் 1: தயிர்

2008-07-18T16:16:00.000-07:00

வலைப்பூ உறவுகளுக்கு வணக்கம்,

எங்கள் தமிழ் சமையல் வலைப்பூ திரட்டி தினமும் வளர்ந்து வருகின்றது. வடிவமைப்பு வேலைகள் தொடர்ந்து நடந்துகொண்டிருக்கின்றது. இதுவரை ஊக்கம் தந்தவர்களுக்கு இந்த வேளையில் எங்கள் நன்றிகளை தெரிவித்து கொள்கின்றோம்.

இவ்வலைப்பூவின் முதல் திட்டமாக ஒரு புதிய முயற்சியை ஆரம்பிக்கவுள்ளோம். ஒவ்வொரு வாரமும் ஒரு சமையல் பொருள் இங்கு அறிவிக்கப்படும். அப்பொருளை பிரதான செய்முறை பொருளாக வைத்து நீங்கள் ஒரு செய்முறையை உங்கள் வலைப்பூவில் எழுத வேண்டும். உங்களை வலைப்பூவில் இணைத்த பின்னர், இப்பதிவில் இணைப்பை விட்டு செல்லுங்கள். ஒவ்வொரு வாரமும் திங்கள் கிழமையில் உங்கள் அனைவரது செய்முறைகளும் தொகுக்கப்பட்ட ஒரு பதிவு வெளிவரும்.

இத்திட்டத்தின் மூலம் புதுமையான செய்முறைகளை ஒருவருக்கொருவர் கற்றுக்கொடுக்கலாம். செய்முறைகள் முன்னரே செய்திருந்தாலும் ஏற்று கொள்ளப்படும். படத்துடன் கூடிய செய்முறைகள் வரவேற்கப்படுகின்றன.

இந்த வாரம் தயிரை பிரதான செய்முறை பதார்த்தமாக அறிமுகம் செய்கின்றோம். சைவபிரியர்களும், அசைவபிரியர்களும் தயிரை உணவில் சேர்ப்பதால் முதல் தெரிவு தயிராகின்றது.

திட்டத்தில் பங்கு பெறுபவர்களுக்கு அடுத்த ஞாயிறு வரை நேரமளிக்கப்படுகின்றது. அனைவரும் உற்சாகமாக பங்கெடுப்பீர்கள் என நம்புகின்றோம்.

வாழ்த்துகள்.

அவசர ரசம்.

2008-07-17T21:44:00.000-07:00

ரசம் நமது இந்திய சூப். ரசம் உடம்பிற்கு மிகவும் நல்லது.
உடம்பு சரியிலாட்டி வெறும் ரசம் சோறு சாப்பிட்டால்
போதும். ஜுரம் வந்து போன பிறகு ரசம்தான் வாய்க்கு ருசிக்கும்

எப்பவும் பருப்பு தண்ணி சேர்த்து ரசம் செஞ்சு அலுத்து
போனவங்களுக்கும், வேற செய்ய நேரமில்லைன்னு
நினைக்கறவங்களுக்கு இந்த அவசரம் ரொம்ப
உபயோகமா இருக்கும்.

அவசர ரசம் 1:

புளித் தண்ணீரி 2 கப், மிளகாய் வற்றல்-2, சீரகம், கடுகு
கொஞ்சம், உப்பு, மஞ்சள் தூள், கொத்துமல்லி, கறிவேப்பிலை,
பெருங்காயத்தூள்.

செய்முறை:

அடுப்பை பற்றவைத்து பாத்திரத்தில் புளித்தண்ணீரை
ஊற்றி, மஞ்சள் உப்பு சேர்த்து பத்து நிமிடம் கொதிக்க
விடுங்கள். பெருங்காயத்தூள் சேர்த்து 2 நிமிடம் கொதித்தபிறகு
தாளிக்கும் கரண்டியில் எண்ணைய் அல்லது நெய்
1 ஸ்பூன் விட்டு மி.வற்றல், கடுகு, சீரகம் சேர்த்து
அத்துடன் கறிவேப்பிலை சேர்த்து தாளித்து அதை
கொதிக்கும் புளி கரைசலில் கொட்டி 5 நிமிடம்
கொதிக்க விட்டு கொத்துமல்லி தழை சேர்த்து
இறக்கினால் ரசம் ரெடி.

அவசர ரசம் 2:

மேற் சொன்ன சாமான்களே. மிளகாய் வற்றலுக்கு பதில்
சீரகம், மிளகு பொடித்தது 1 அல்லது 2 ஸ்பூன்.
கடுகு, கறிவேப்பிலை தாளித்து சீரகம், மிளகுத்தூள்
சேர்த்து கொதிக்கும் புளித்தண்ணீரில் கொட்டவும்.

அவசர ரசம் 3:

செய்முறை மற்றும் மேற்சொன்ன சாமான்களில்
புளிக்கு பதில் தக்காளி.
தக்காளியை நன்கு மிக்ஸியில் அடித்து
பேஸ்டாக்கி தண்ணீர் சேர்த்து கொதிக்க விடவும்.

ரசம் உடம்புக்கு மிகவும் நல்லது. ரசத்தில்
சேர்க்கப்படும் சீரகம் (சீர் + அகம் தரும்),
மிளகு (கபம், உடல்வலி, செரிமானத்திற்கு
நல்லது) உடம்பிற்கு நல்லதைத் தரும்.

சமையல்கட்டில் ஓர் சோதனை பதிவு

2008-07-14T23:53:00.000-07:00

நண்பர்களே,

எங்களது தமிழ் சமையல் வலைப்பூ திரட்டியை தமிழ்மணத்தில் இணைத்துள்ளோம். அனைத்தும் சரியாக வேலை செய்கின்றதா என பார்ப்பதற்காக இதை ஓர் சோதனை பதிவாக இடுகின்றோம். இதுவரை வாழ்த்திய நண்பர்களுக்கு எங்கள் நன்றிகள்.

தமிழ் சமையல் வலைப்பூ திரட்டி குழு

பலாக்காய் துவரம் - சுலப முறை

2008-07-11T06:08:00.000-07:00

பலாக்காய் துவரம்...சுலபமுறை
ஆஹா! பார்க்க கண் கொள்ளா காட்சி!!
இன்று சித்ரா பௌர்ணமி! மாமனார் திதி. ஒவ்வொரு வருடமும் என்றைக்கு என்று தேட அவசியமில்லாத நாள்!இதே போல் மாமியார் திதி ஆடி அம்மாவாசை! என்ன பொருத்தம்!!
காலையிலேயே சமையல் முடித்துவிட்டேன். மெனு? பலாக்காய் துவரம், அவியல், தயிர்பச்சடி,
சர்க்கரையில்லாத அவல் பாயாசம்....ஐய..சர்க்கரையில்லாமலா? அட! அதுதாங்க சுகர்ஃப்ரி மாத்திரைகள் இரண்டு போட்டு அரைக்கப் அவலில் எக்ஸ்க்ளூஸிவலி ரங்கமணிக்காக மட்டும்(டையபெட்டிக் பேஷண்ட்) செய்த பாயாசம். புடிச்சுச்சோ புடிக்கலையோ. லல்லாருந்துச்சோ லல்லாலையோ.

சேரி...பலாக்காய்க்கு வருவோம். ரெண்டு நாள் முன்னால் பழமுதிர்சோலை போனபோது பிஞ்சு பிஞ்சா பலாக்காய் பார்த்தேன். இருந்ததிலேயே பிஞ்ஞ்ஞ்ஞ்ஞ்ஞ்ஞ்சாக ஒன்று வாங்கிக்கொண்டேன். திதி சமையலுக்காக.

இதைவிட பிஞ்சாக இருக்கவேண்டும்.

ப்ரிட்ஜில் வைத்திருந்து இன்று காலை எடுத்து முட்களை சீவ முயன்ற போது கத்தி மொண்ணையாயிருந்தது. முடியவில்லை. எஸ் ஒ எஸ் என்று ரங்கமணியை அழைத்தேன்.
அவராலும் முடியவில்லை. அடடா! பலாக்காய் துவரம் என்று முடிவு செய்திருந்தேனே! என்செய்வது? எங்களோட ஐடியா கோடவுனிலிருந்து ஒரு ஐடியாவை உருவினேன்.

பலாக்காவை ஒரு அங்குல அளவுக்கு வட்டவட்டமாய் ந...று...க்..கி...னே...ன்.
அவ்ளோ சிரமம்! அவைகளை பருப்பு வேக வைக்கும் போது மேலே ஒரு தட்டில் பலா வட்டங்களை அடுக்கி குக்கரில் மூன்று விசிலுக்கு வேக வைத்தேன்.

குக்கரைத் திறந்தபோது 'காய்...பூவாய்' வெந்திருந்தது. ஆறியவுடன் வெகு சுலபமாக முள்ளோடு தோலை சீவியெடுத்தேன். காயை நன்றாக உதிர்த்து. கடாயில் எண்ணெய் ஊற்றி
தாளித்து மஞ்சள்பொடி, மிளகாய்பொடி,உப்பு சேர்த்து கிளறி, உதிரியாக வேக வைத்த பாசிப்பருப்பு, துருவிய தேங்காய் கலந்து புரட்டி கொத்தமல்லை தூவி பரிமாறிய போது..
சூப்பர்! என்று காலியாயிற்று.

எனக்கு மிகவும் பிடித்த ஐட்டம் இது. முதன்முதலாக இது எனக்கு எப்போது, எப்படி அறிமுகமாயிற்று?

எனக்கு சின்ன வயதில் எங்கள் பெரிய தாத்தாவின் ஒவ்வொரு பிறந்தநாளும் அவரது சொந்த ஊரான ஆழ்வார்குறிச்சியில் சிவசைலம் கோவிலில்தான் கொண்டாடுவார். அப்போது எங்கள் குடும்பம் மொத்தமும் அங்கேதான் டேரா போட்டிருக்கும். 'கிராமத்திலே டேரா போட்டு கொட்டி முழக்குவோம்'. அருமையான நாட்கள் அவை.

காலையில் கோவிலில் எல்லா சன்னதிகளிலும் விசேஷ பூஜைகள் நடந்துமுடிய 11 மணி ஆகிவிடும். அதன் பிறகு மதிய உணவு. அது தயாராகும் வரை கோவிலைச்சுற்றி நாங்கள் அடிக்கும் லூட்டி..இன்றும் நெஞ்சில் நீங்காது நிழலாடுகிறது.

மதிய உணவு..வெறும் உணவல்ல அறுசுவைகளும் கொண்ட ஸ்பெஷல் மீல்ஸ்!! இன்று வரை
அந்த சுவையில் மற்றொரு மீல்ஸ் சாப்பிட்டதில்லை. ஒவ்வொரு பதார்த்தமும் பார்த்துபார்த்து
சமைத்திருப்பார்கள். மேற்பார்வை எங்கள் மாமா! அவரே ஒரு சாப்பாட்டுப் பிரியர். பின் கேட்கவேண்டுமா?

விபரம் தெரிந்து அங்குதான் பலாக்கா துவரம் சாப்பிட்டிருக்கிறேன். ஆழ்வார்குறிச்சி சமையர்காரர்கள் அவ்வளவு கெட்டிக்காரர்கள்! சாப்பிடுபவர்கள் வயிறும் மனமும் குளிர வேண்டும்
என்று நினைப்பவர்கள். மேலும் அவர்களை விரட்டி விரட்டி வேலை வாங்கும் எங்கள் மாமாவும்
ஒரு காரணம்.

அதன் பிறகு வருடங்கள் பல கழிந்து மாமாவின் சதாபிஷேகத்தின் போது ஆழ்வார்குறிச்சியில் அதே மெனுவை சுவைக்கும் சந்தர்ப்பம் கிடைத்தது. மாமா,'சாப்பாடு எப்படியிருக்குடீ!' என்று கேட்ட போது
'சூப்பர்! மாமா!' என்றோம் எல்லோரும் ஒரே குரலாக.

அம்மாவின் கைமணம்!

2008-07-10T17:14:00.000-07:00

திடீரென்று தண்ணீரில் தள்ளிவிடப்பட்டவள். பயந்துடாதீங்க. திருமணத்துக்கு முன்
சமயலறையையே எட்டிப் பார்க்காதவள். அவசியமுமில்லை. கொமட்டில் குத்தி கையில்
கரண்டியை கொடுத்து சமைக்க கற்றுக்கொடுக்க அம்மாவும் இல்லை.

நீச்சல் தெரியாமல் தண்ணீரில் தவித்து தத்தளித்து கரை....அடுப்பங்கரை ஒதுங்கினேன்.
கொஞ்சம்கொஞ்சமாக கற்றுக்கொண்டு ஓரளவு தேறி. இன்று சுமாராக சமைக்கிறேன்.

சாப்பிடுபவர் ரசித்து சாப்பிடவேண்டும் என்ற அக்கரையோடும் செய்கிறேன். எனக்கு சமைக்க
கற்றுக் கொடுத்ததில் என் பெரிய மதனிக்கு பெரும் பங்குண்டு.

பின்னாளில் என் சமையலை சாப்பிட்டுவிட்டு அவர்கள் கொடுத்த சர்டிபிக்கேட், 'அது சரி!
அம்மா கைமணம் எங்கு போகும்!' ஆம் என் அம்மா நன்கு சமைப்பார்கள்!!!

முதல் (சமையல்) வணக்கம்

2008-05-22T02:31:00.000-07:00

வலைப்பூ உறவுகள் அனைவருக்கும் அன்பான வணக்கங்கள்,

தமிழ்வலைப்பூக்களில் பல நல்ல சமையல் பதிவுகள் இடப்படுவது உங்களுக்கு தெரிந்த விடயம் தானே. இருப்பினும் பலருக்கு பலரை தெரியவில்லை. கருத்தாடல்கள் நடப்பது குறைவாக உள்ளது. இந்த குறையை பற்றி என்னுடைய சமையல்கட்டில் விவாதித்ததின் பலனாக இந்த வலைப்பூவை ஆரம்பிக்கின்றோம். இது ஒரு திரட்டியாகவும், சமையல்கட்டுக்களை இணைக்கும் பாலமாகவும் இருந்து தமிழ் சமையலை வளர்க்கும் என நம்புகின்றோம். நம்மண்ணின் சமையல்குறிப்புகள் அப்படியே மறைந்துவிடாமல் இணையத்தின் மூலம் தெரியாதவர்களுடன் பகிர்ந்து கொள்ளலாமே.

உங்களுக்கோ / உங்களுக்கு தெரிந்தவர்களுக்கோ இதில் ஆர்வம் இருந்தால் இணைந்து கொள்ளலாமே?!. இதுவரை ஆதரவு தந்த உறவுகள் அனைவருக்கும் நன்றிகள்.

இவ்வலைப்பூவை அமைப்பதில் பங்கெடுக்க விரும்பினாலோ, நல்ல யோசனைகள் இருந்தாலோ எங்களை தொடர்பு கொள்ளுங்க. உங்களின் ஆரோக்கியமான கருத்துக்கள் வரவேற்கபடுகின்றன. நல்லதொரு வலைப்பூவை ஒன்று சேர்ந்து கட்டியெழுப்புவோம்.

மின்னஞ்சல்: tamilcooking@gmail.com